Skip to main content

Múte Bourup Egede sangujoraartoq

Múte Bourup Egedu naalakkersuisunngunngikkallarami piiaaffinnut suliat arriippallaarnerarpai. Maannali allarluinnarmik isumaqarpoq

Aatsitassanut naalakkersuisunngorlaaq Inuit Ataqatigiinneersoq Múte Bourup Egede nipaarluunerulersimvoq. Siusinnerusukkumi oqariartuutigisareeraluarpaa Naalakkersuisut piaaffissanut qinnuteqaatit arriippallaamik suliarisaraat. Illuatungiliuuffiginikuusaraluanili naalakkersuisooqatigilereernerinit oqaasissani sissuernerulersimavai.

Atuaruk: Tanbreezip aatsitassarsiornissamut qinnuteqaataa akuerineqanngilaq

Sulilluarput

Aatsitassanut tunngasuni suliniutit qanoq tulleriiaassavigit?

– Aatsitassanut Naalakkersuisoqarmmi sulilluarneq ingerlanneqareersoq pitsan­ngorsassavara. Sulianik ingerlatsisarneq pitsanngorsarneqarsimanersoq nalilersus­savara.

Sukkakannerput

Siusinnerusukkut sulianik kigaalaarpallaamik ingerlatsisarneq isornartorsiorsimavat?

– Aap, sulialli ilaat aamma pilertortumik naammassineqartarput. Assersuutigalugu rubinisiorfik. Taamattaaq Hudsonip Kanger­lussuarmi suliniutaa sukkakannersumik suliarineqarsimasoq isumaqarpoq, Ironbar­kimullu suliaq aamma ingerlalluavissorpoq.

Atuaruk: Sulisitsisut Tanbreezip itigartinneqarnera eqqumiigigaat

Apeqqut avaqqutaarpaa

Sooruna Tabreezimut suliaq taamak kigaatsigisoq – Arlaata Greg Barnes akerlerigamiuk?

– Taamaattoqarneranik ilisimasaqanngi­langa. Kikkut tamarmik pikkorissumik naligiissumik sullinneqarnissaat naatsor­suutigaara, apeqqulli toqqaannartumik akisinnaanngilara.

Oqaloqatigiinnerit aallartereerput

Borgmester Jørgen Wæver Johansenip Tanbreez peqatigalugu suut qinnuteqaataanni suliniummik

unitsitsisuunerannik misissuinissamik kaammattuutaa malissaviuk?

– Ilaatigut suliniut pillugu Kommune Ku­jalleq ataatsimeeqatigalugu suliap taassuma suliarinissaanut qanoq iliuuseqarsinnaaner­put misissorusuppara. Massakkut Tanbreez oqartussanik oqaloqateqartoq ilisimavara, tassanilu qinnuteqaammi itigartinneqartu­mi suut amigaataanerat paasiniassavarput. Pineqartumi inatsisip kikkunnit tamanit malinneqarnissaa pingaartuuvoq.

– Ataatsimulli isigalugu suliap qanoq ingerlaqqinnissaa pillugu oqariartuute­ qannginninni, sulianut tamanut pulalluar­ nissannut pif ssaqartariaqarpunga. Kom­ munini suliniutit assigiinngitsut pillugit kommuninik oqaloqateqarneq, taakkualu sulianut qanoq isumaqarnerata tusarnissaa aallarniutigissavara.

Atuaruk: Naalakkersuisooqatigiilersut uranimut aalajangiinissaq kinguartippaat

Naalakkersuisuni ilaasortanngortup apersorneqarnera tamaat, ilaatigut Kuannersuaq pillugu oqaaseqarnera Sermitsiami atuaruk

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER