Skip to main content

Múte B. Egede mittarfiit pillugit: Qineqqusaarnermi tupatsitserujussuarsinnaasut

Politikerit IA-meersut, Naleqqameersut Demokraatineersullu Nuummi Ilulissanilu mittarfiliortiternernut aningaasartuutit qaffariarujussuarnerannik ernummatiginnittorujussuupput. 

Nuummi Ilulissanilu nunat tamalaat akornanni mittarfissanik nunallu immikkoortuani Qaqortumi mittarfissamik sanaartorneranut aningaasartuutit aqunneqarsinnaajunnaarnissaat Kalaallit Nunaatalu aningaasaqarneranut aningaasartuuterujussuanngornissaat inunnit amerlasuunit ernummatigineqarpoq. 

Suliniutit naammassippata mittarfiillu atuutilersinneqarpata naggataatigut immikkut aningaasartuutinik akiliuteqartussat tassaapput Kalaallit Nunaanni akileraartartut mittarfinnillu atuisut. Taama IA-p siulittaasua, Múte B. Egede, aviisimut Sermitsiamut oqarpoq.

– Qineqqusaarnermi mittarfiit pillugit oqallinneq partiit akimorlugit politikkikkut tupatsitserujussuarsinnaapput. IA aallaqqaataanilli oqarsimavoq, mittarfiit immikkoortukkuutaartumik sanaartorneqarpata pitsaanerpaajussasoq, ataatsikkut sanaartornagit. Suliniutit pingasut taakkua taamaakkaluartoq ataatsikkut ingerlanneqarnerisa aningaasaqarnikkut kinguneri maanna takusinnalerpavut.

Mute B. Egede, Inatsisartut Aningaasaqarnermut Ataatsimiititaliaannut ilaasortaasimasq, taama oqarpoq. 

IA qinersinermi ajugaassappat naalakkersuisoqatigiinngortitsinissamillu isumaqatigiinniutiginnissinnaassappat taanna Naalakkersuisunut siulittaasunngorsinnaavoq.

Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER