Skip to main content

Múte allakkiaq isertuussaq pillugu: Akuersaarneqarsinnaanngilaq

IA-mi siulittaasup aamma Akileraartarnermut Aningaasaqarnermullu Ataatsimiititaliami ilaasortap Múte B. Egedep paasisinnaanngilaa, eqqartuussissuserisup inatsisip ilaanik isornartorsiuilluni allakkiaa, Vittus Qujaukitsup sooq ataasinngormat siunersiueqatigiinnermi tunniukkusussimanngikkaa.

- Akuersaarneqarsinnaanngilaq.

Múte B. Egedep inatsimmut tunngatillugu allakkiaq, Aningaasaqarnermut Naalakkersuisup Vittus Qujaukitsup ataasinngormat siunersiueqtigiinnermi qanoq imaqarnera itisiliiffiginagu ilisimatitsissutigisaa, taamak naatsigisuik oqaaseqarfigaa.

Kammeradvokatimut nassiunneqarsimasoq

Vittus Qujaukitsoq ilisimatitsivoq, eqqartuussissuserisup allakkiaa ualeq taanna tiguneqarsimasoq, Naalagaaffimilu kammeradvokatimut naliligassanngorlugu nassiunneqarnissaa aalajangiunneqarssimasoq.

- Taamatut isertuussineq eqqumiippoq, Múte B. Egede Sermitsiaq.AG-mut oqarpoq.

- Vittusip allakkiaq saqqummiukkusussimanngilaa, siunersiueqatigiinnissaq sioqqutilaarlugu naalakkersuisoqarfimmit aatsaat tiguneqarsimanera tunngavilersuutigalugu. Aamma atuaqqissaarneqarnissaanut piffissaqarsimannginneq tunngavilersuutigaa. Taamaammat tupigusuutigaara, allakkiaq Kammeradvokatimut nalilersortinniarlugu aalajangernissamut piffissaqartoqarsimammat, IA-mi siulittaasoq allakkiap Aningaasaqarnermut Akileraartarnermullu Ataatsimiititaliami ilaasortanut agguaanneqarsimasariaqaraluarneranik isumaqartoq nassuiaavoq.

Illuatungiliuttutut politikkerip nuannaarutigaa, aatsaat siullermeertumik tusagassiortut najuuffigisaannik siunersiueqatigiittoqarnera. Vittusilli isertuussisariaqanngikkaluartoq oqaatigaa.

Nalinginnaasuusoq

Aningaasaqarnermut Naalakkersuisoqarfimmit ataasinngormat Sermitsiaq.AG-mut ilisimatitsissutigineqarpoq, ”eqqartuussissuserisut akileraartarnermut tunngatillugit taamatut allakkiarisartagaasa Kammeradvokatimut akileraartarnermut immikut ilisimasaqartumut nalilersortinneqartarnerat nalinginnaasuusoq”.

Aningaasaqarnermut Naalakkersuisoqarfik allakkiamut isertuussamut imatut ilisimatitsivoq:

- Eqqartuussissuserisup allakkiaa inatsisip ilaanik naliliinertalik naalakkersuisoqarfimmit tigusimavarput. Allakkiaq taanna suleqatigisap ilanngussaarivaa, arlaannaannulluunniit attuumassuteqanngitsumit nalilersortinneqarniartoq. Nalilersuinermit angusat Naalakkersuisup ataatsimiititaliamut ingerlateqqissallugit neriorsuutigaa.

LÆS OGSÅ: Siunersiuineq: Apeqqutit akissutinit amerlanerusut
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER