Musikvideo: Eqitaaqqikutsoorumaarpugut
Musikvideo Kommuneqarfik Sermersuup Facebookimini saqqummersitaa siammarterneqapallappoq.
Hinnarik, meerarpassuarnit ilisarisimaneqartoq, erinarsuummi “Eqitaaqqikutsoorumaarpugut”-mi naqqinneqarpoq nassuiaanneqarlunilu qanoq tunillaassortoqarnissaa pinaveersaarneqarsinnaanersoq.
Musikvideoen, ippassaani saqqummersoq, 25.000-it sinnerlugit takuneqareersimavoq, 666-init qisuariarfigineqarsimalluni 894-iniillu siammarterneqarsimalluni. Kommuneqarfik Sermersooq saqqummersitsivoq.
Kimmernaq Kjeldsen, Frederik Elsner aamma Hinnarik suliakkerneqarsimapput meeqqanut tulluarsakkamik eqqiluisaarnissamut tunngasumik erinarsuusioqqullugit. Musikvideo Josef Tarraap suliaraa.
- Erinarsuut ”Eqitaaqqikutsoorumaarpugut” tuniluunnerup qanoq siaruatsaaliorneqarnissaanik meeqqanut siunnersuuteqarpoq, illoqarfiit pingaarnersaata kommunia facebookimini nassuiaavoq.
Erinarsuummi uterneqartartoq 20 sekundisut takissuseqarpoq, assaallu errornissaannut innersuussutitulli sivisussuseqarluni.
Musikvideo uani takuuk:
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...