Munck-gruppimi sulisut ineqarfiisa avataanni allat tunillatsissimasut
Inuit pingasut Munck-gruppimi sulisut ineqarfiisa avataaniittut coronamik tunillatsissimasut ataasinngormat unnukkut paasineqarpoq, tamanna nunatsinni nakorsaanerup Henrik L. Hansenip Sermitsiaq.AG-mut uppernarsarpaa.
Nuummi timmisartoqarfiliortut - Munck Gruppen - akornanni sapaatit akunnerini arlalinni tuniluuttoqareersoq, maanna Nuummi inuit ilaat suliffeqarfimmut attuumassuteqanngitsut tunillatsissimasut paasineqarpoq.
Munckimi sulisut marluk ippassaq ataasinngornermi tunillatsissimasutut paasineqartut, sisamanngormat suliffmmi avataanut kaffisoriarsimapput, kaffisoriarsimasullu akornanni minnerpaamik inummik ataatsimik tunillaasimallutik. Tamanna Sermitsiaq.AG-mit paasineqarsimavoq. Inuk pineqartoq sisamanngormalli mattusimasimanngilaq.
Taamaammat Nuummi tuniluuttoqalersimarpasippoq. Nunatsinni nakorsaanerup ilisimatitsissutigaa, tunillatsissimasinnaasunik maannakkorpiaq paasineqarsimanngitsunik ujaasilluni suliaqartoqartoq.
Coronamut atatillugu suliaqartut maannakkorpiaq immikkut ittumik ataatsimeeqatigiipput.