Munck Gruppen inunnik 30-nik utaqqisaqartut
Nunamut iseqqusaannginnerup malitsigisaanik Munck Gruppen 30-nik sulisoqarpoq, Kalaallit Nunaannukarnissamut utaqqisunik. Tamatuma kinguneranik sanaartorneq tamakkiisuunngilaq, pisortaq oqarpoq
Sanasut inuussutissarsiortut ikittunnguit ilagaat, coronap ajornartorsiortitsineranit sunnerneqarpallaarsimanngitsut. Nuummi Ilulissanilu timmisartoqarfiliornerit suli ingerlapput - attaveqaasiorlutik, soorlu sulisut najugaqarfissaannik sanaartorlutik aamma qaarsumik qaartiteralutik putunillu ujaqqanik matooralutik.
AG taamatut allappoq.
Sanaartorneq ingerlangaluartoq corona pissutigalugu killilersuinerit Munck Gruppenimi pisortamut Hans Christian Munckimut eqqarsartitsipput, Munck Gruppen Kalaallit Nunaanni nunanut tamalaanut marlunnik timmisartoqarfiliornissaq suliarinnittussarsiorneqarmat ajugaasimavoq. Suliassaq 3,5 milliarder koruunit missaannik akilik sanasutut ingerlatseqatigiiffimmut aatsaat taamak annertutigaaq.
Unammillernartoq
- Uagutsinnut maannakkorpiaq unammillernartoq tassaavoq, sulisutta 30 missaanniittut maanna Danmarkimiittut ullumikkut sulisussaangaluarnerat, Hans Christian Munck oqarpoq.
Sila qaammariartortillugu kissakkiartortillugulu pilersaarutaagaluarpoq, sulisut amerlineqarnissaat, atortullu amerlanerit atorneqalernissaat. Sulisut maaniittut, sanaartornerup sapinngisamik ingerlatiinnarneqarnissaa anguniarlugu, sapaatip akunneranut ullut arfinillit, ullormut nalunaaquttap akunneri aqqanillit missaanni sulisarput.
Ilanngutassiaq tamaat AG-mi atuaruk - ugguuna iserfigisinnaavat: