MT Højgaardip ingerlatai 2022-mi millionikkaanik annaasaqartut
Sanaartornermi atortussat akitsorujussuarnerat aamma sulisussanik piukkunnartunik amigaateqartuarnerup kinguneranik, MT Højgaard Grønlandip aamma Arssarnerit angusamikkut akisunaarpaat.
Suliffeqarfissuarmut MT Højgaard Grønlandimut siorna ukioq sussaanngilluinnarpoq, annaasaqarujussuaramimmi.
Aviisi Sermitsiaq taama allappoq.
Sanaartornermi atortussat akitsorujussuarnerisigut aamma piukkunnartunik sulisussarsiniarnerup ilungersunarnerisa kingunerannik, MT Højgaard Grønland aamma Arsarnerit ataatsimut katillugit akileraarutit akilereernerisigut 42 millionit koruuninik amigartooruteqarput.
Ukiumoortunik naatsorsuutit nutaat 2022-moortut, Danmarkimi suliffeqarfissuup sanaartugassanik suliakkerneqartartup MT Højgaardip Nunatsinni suliffeqarfiutaannut marluusunut naatsorsuutit nutaat tamanna takutippaat.
Tamatumani amigartooruteqarnersaalluni MT Højgaard Grønland, 2022-mi ingerlatseqatigiiffiup naatsorsuutigisaraluanit pitsaannginnerusumik angusaqartoq.
Sanaartugassanik suliakkerneqartartoq, akileraarutinik akileereerluni 24,6 millionit koruuninik amigartooruteqarpoq, 2021-mi 4,2 millionit koruuninik amigartooruteqarsimalluni. Taamaalilluni MT Højgaardip Nunatsinni suliffeqarfiutaa ukiuni tulleriiginnarni pingasuni amigartooruteqarpoq.
Aviisimi Sermitsiami atuarnerusinnaavutit. Aviisi uani pissarsiariuk: