Mourinho pinerloqqikkuni paarnaarussassanngortinneqartoq
Akileraartarneq pillugu suliami 2011-imi aamma 2012-imeersumi José Mourinho annertuumik akiligassinneqarlunilu ukiup ataatsip ingerlanerani pinerluuteqaqqikkuni paarnaarussassanngorlugu eqqartuunneqarpoq.
Annonse
Arsaattartunik sungiusaasup José Mourinhop akileraarutitigut peqquserluuteqarsimasutut ukiumi ataatsimi pineqaatissinneqarnini akueraa.
Spaniami eqqartuussivik Portugalimiup paarnaarussaannginnissaanik aalajangiisoq taama ilisimataitsivoq.
Pinerluuteqaqqissaguni paarnaarussaasussanngorlugu eqqartuunneqarnerup saniatigut, Mourinho 56-inik ukioqartoq 2 million eurongajannik, tassa 15 millionit koruuninik akiliisussanngortinneqarpoq.
Suliaq 2011-imi aamma 2012-minngaanneerpoq, Mourinho tassani Real Madridimi sungiusaasuugallarami akileraarutinik akiliisimanngitutut unnerluutigineqarpoq.