Momsi nassiussallu akitsuuserneqartarnerat paatsuungassutaasoq
Puisip amianik kavaajaliap atornikup, kaageeqqatnammineq iffiukkat imaluunniit ernutaqqiutit assingaqanoq naleqarpat? Tamanna nalileruminaassinnaavoq.Kisianni nunatsinnit Danmarkimut poortukkamiknassiussaguit nassiussavit nalingat allattariaqarpat.360 koruunit sinnerlugit naleqarnerarukkit tigusisussaqilanngaaserisunit immikkut akiligassinneqassaaq.
Elisa Berthelsen Koldingimi najugaqartoq ernuttaminit poortukkamik puussiaaqqamik tiinik nunatsinneersunik, assassugaminernik Nuummilu ernutaqqiutit assinginik imaqartumik decembarimi nassiussarsimmat, Danmarkimi ilanngaaserisunit 285 koruuninik immikkut akiligassaq malinnaatinneqarpoq. Tamatuma saniatigut Elisap ernutaa poortukkap Nuummit Koldingimut nassiunneranut 234 koruuninik akiliisimavoq. Tassa imaappoq, nassiussaq ataatsimut katillugit 519 koruuninik akeqarsimavoq.
Taama aviisi Sermitsiaq allappoq.
– 285 koruunit akilernissaat toqqarpara, ernutaqqiutima assingi takorusukkakkit. Kisianni isumaqarpunga poortukkap taama ittup akitsuuserneqarsimanera paasiuminaalluinnartuusoq, Elisa Berthelsen oqarpoq, taassumalu Danmarkimi nunaqqatini arlallit nunatsinni ilaquttaminnit ikinngutiminnillu poortukkanik momsimik eqqussinermilu akitsuutinik ilaneqareeraangata tigusinissamut akissaqartanngitsut oqaloqatigisarsimavai.
'– Arlalinnit tusartarpara poortukkat tigunissaannik itigartitsisariaqartarsimasut, akissaqannginnamik. Pingaartumik juullip nalaani poortugarpassuarnik nunatsinni nassiussisunut utertitsisoqartarsimavoq momsi akitsuutillu pissutigalugit. Ilaquttanit poortukkamik itigartitsisariaqarneq inunnut nuannersuunngilaq. Aamma poortukkap sunik imaqarnera amerlanertigut ilisimaneqartanngilaq, ilanngaaserisut tamatuminnga aamma paasissutissiuumasanngimmata, Elisa Berthelsen oqarpoq.
Allaaserisaq tamaat Sermitsiami sapaatip-akunnerani saqqummersumi atuaruk, uani:
