Upernavik pigisaalu
Mobilikkut aamma radiukkut/tv-iikkullu attaveqaatit suli ajoqattaartut
Upernavik pigisaalu kitaani silarlunnera pissutigalugu Telemi attaveqaatit ajoqattaarnerannik eqqugaapput
Upernavimmut nunaqarfiinullu attaveqaatit sisamanngormat ullaakkulli ajoqattaalerput.
Tamatumani mobilinut aamma radiukkut/tv-iikkut attaveqaatit pineqarput.
Anorersuaq pissutaasoq
Sermitsiaq.AG atuartartumit pissutsinik eqqumiiginnittumit attaveqarfigineqarpoq.
- Ippassaanili silarlunnera pissutaavoq. Sumiiffimmut attaveqaatit ajoqattaarput, Tele-Postimi paasissutissiisartoq Ivalo Egede Sermitsiaq.AG-mut oqarpoq.
Teknikerimik aallartitsilersut
- Teknikererput Aasianniittoq sila atoruminarsiniariarpat Upernaviliarnissamut piareersimavoq, neriorsuivoq.
Upernavimmi Telemi attaveqatit aaqqissimanerannik ilisimasaqaruit redaktion@sermitsiaq.ag aqqutigalugu allaffigisigut.