Mittarfiutileqatigiiffiup sulisuni amerlingai

Kalaallit Airportsip Kalaallit Nunaanni mittarfinnik nutaanik sanaartornissaq aallartittussanngorpaa. Tamanna sulisunik amerlanernik sulisoqalerneranut malunnaataavoq, ukiumi nutaami sulisut marloriaammiit amerlanerulerput.

Sulisut sisamaasuniit sulisunut qulinut. Ilulissani, Nuummi Qaqortumilu mittarfiliortoqarluni nutaamik mittarfittaartoqarnissaata tamanna kinguneraa.

Mittarfiliutileqatigiiffiup atorfiit tallimat qaammammi kingullermi inuttassarsiorlugit aallartippai:

  • Allaffissornermi pisortaq ataaseq
  • Økonom-i niuernermik ilisimaarinnittoq ataaseq
  • Attaveqaqatigiinnermut siunnersorti ataaseq
  • Sulianik aqutsisussat marluk

Ingerlatseqatigiiffik maanna ingerlatsinermi pisortaqarpoq, Steffen Ulrich-Lynge, aningaasaqarnermut pisortaq, Peter A. Wistoft, suliamik aqutsisoq, Jesper Nordskilde aamma suliami pisortaq, Aviaaja Karlshøj Knudsen.

- Ingeniørinngorniartumik februaarip aallaqqaataani ilinniartuuteqalissaagut aamma, Steffen Ulrich-Lynge Sermitsiaq.AG-mut ilisimatitsivoq.

Ingerlatsinermik suliffeqarfik kingorna

Steffen Ulrich-Lyngep ilisimatitsissutigaa sanaartornermi suliassat amerlanerit suliffeqarfiup avataanut suliakkiunneqartassasut. Taamaattoq suliffeqarfik ingerlatsinermik suliaqartussamik suliffeqarfimmik pilersitsisariaqassaaq, tamanna mittarfiit 2023-mi ammannginnerini ukioq ataaseq sioqqullugu aallartisarneqassaaq.

Atorfiit inuttassarsiukkat tamarmik januaarip 21-ani kingusinnerpaamik qinnuteqarfigineqarsinnaapput.

Atorfiit inuttassarsiukkat uani takuneqarsinnaapput www.job.sermitsiaq.ag/da

Powered by Labrador CMS