Mittarfiup iluarsaanneqarnissaa suli nalilersorneqarpoq
Suliamut aqutsisoqatigiit Kangerlussuarmi mittarfiup qanoq iluarsaanneqarnissaa suli nalilersorpaat. Iluarsaassinerup 2023-mi aallartinneqarnissaa naatsorsuutigineqarpoq, Naalakkersuisut ilisimatitsipput.
2019-imi novembarip qaammataani Naalakkersuisuusut Danmarkimilu illersornissamut ministeriip isumaqatigiissutigaat, 2023-mi Ilulissani Nuummilu timmisartoqarfissat nutaat naatsorsuutigineqartut naammassippata, Illersornissaqarfiup Kangerlussuup Mittarfia suli atuinnartassagaa.
Nuummi miUarfiup Imarpik qulaallugu timmisartuussineq tiguppagu iluarsaassinerit aallartinneqarsinnaanissaat naatsorsuutigineqarpoq, tamatuma malitsigisaanik Kangerlussuup Mittarfiani inuinnaat angallannerat anikkillingaatsiassaaq.
Isumaqatigiissuteqarnermut atatillugu teknikkimut suleqatigiissitaq pilersinneqarpoq, Kangerlussuarmi mittarfiup qanoq iluarsagassaatigineranik qulaajaasussaq, Illersornissaqarfik mittarfimmik atuiinnarsinnaaniassammat.
Siumumi siulittaasup Erik Jensenip arlalinnik apeqquteqarluni, mittarfimmik iluarsaassinissamik suliaqarnerup qanoq ingerlanera paaserussussimavaa.
Iluarsaassinermi piffissamut pilersaarusiaq naammassineqalersoq
Attaveqaatinut Naalakkersuisoq ilisimatitsivoq, teknikkikkut misissuinerit suli ingerlanneqartut:
- 2021-mi juuli Mittarfeqarfiit sanaartornermut pilersaarutip suliarineqarnissaa pillugu ingeniørit siunnersuisartut suliffeqarfiat oqaloqatigaat. Suliami suli piffissamut pilersaarut malinneqarpoq, tassanilu 2023-p naanerani Nuummi mittarfik atulerpat iluarsaassinerit aallartinneqarnissaat naatsorsuutigineqarpoq, naalakkersuisoq Naaja H. Nathanielsen (IA) Erik Jensenimut akissuteqarluni allappoq.
Siumumi siulittaasup paaserusuppaa, sanaartornisamut pilersaarut missingersuusiallu qaqugu piarersimassanersut.Tamannali oqaatigissallugu siusippallaartoq oqaatigineqarpoq:
- Sanaartornermut pilersaarut suliarineqareerpat akuerineqareerpallu, taanna iluarsaassinissat pilersaarusiornerinut, taamaalillunilu missingersuusiornermut tunngavissatut atorneqarsinnaasussaavoq. Maannarpiaq suli sanaartornermut pilersaarummut inaarutaasumik ulluliisoqanngilaq. Nuummi miUarfiup Imarpik qulaallugu timmisartuussineq tiguppagu iluarsaassinerit aallartinneqarsinnaanissaat suli naatsorsuutigineqarpoq, Naaja H. Nathanielsen allappoq.
Mittarfeqarfiit sanatitsisuussasut
Ilanngullugu ilisimatitsissutigaa, Mittarfeqarfiit sanatitsisuussasut, iluarsaassinerup Illersornissaqarfimmit akilerneqarnissaa siunniunneqarsimagaluartoq. Tamatuma najukkani suliffeqarfiit suliassaqarsinnaanerat qulakkeerinneqataaffigissavagaa oqaatigineqarpoq:
- IlIersornissaqarfiup sanatitsisutut suliassat isumagissagaluarpagit, EU-mi neqerooruteqartitsisarnermut inatsisit tunngavigalugit neqerooruteqartitsisoqariaannaavoq, Naaja Nathanielsen allapoq.
Erik Jensen apeqqutimini allappoq, Illersornissaqarfiup mittarfimmik iluarsaassineq akilertussaagaa, tamannalu Naalakkersuisuusimasunit Illersornissaqarfimmik isumaqatigiissuteqarsimasunit nalunaarutineqarsimasoq. Naalakkersuisulli IIersornissaqarfiullu tunngaviusumik isumaqatigiissutaanni iluarsaassinermut mittarfiullu ingerlatiinnarnissaanut kikkut akiliissanersut allassimanngilaq.