Mittarfittaassat nutaat
Illoqarfinni mikinerni arfineq pingasuni mittarfiliornissamut suleqatigiissitaq misissuisoq nalunaarusiamillu ukiamut saqqummiussissasoq attaveqaqatigiinnermut naalakkersuisoq Karl Frederik Danielsen AG-mut oqarpoq
Nuummi Ilulissanilu mittarfissuassanut sanaartortussat qallunaat suliffeqarfiutaat Munck Gruppen, piginnittullu Kalaallit Airports atsioqatigiinnerisa kingorna mittarfinnut mikinerumaanut sanaartornissat misissorneqarlutik aallartisarneqalereerput.
AG-p paasisai naapertorlugit ingeniørit siunnersuisartut suliffeqarfimmi Orbiconimeersut Inatsisartut ukiaanerani ataatsimiinnerisa naammassinnginnerani nalunaarusiamik tunniussaqassapput.
Misissuinerit
Siorna ikinnerussuteqarlutik naalakkersuisooqatigiit isumaqatigiissutigaat Tasiilami, Ittoqqortoormiuni, Nanortalimmi, Narsami, Kangaatsiami, Qasigiannguani, Qeqertarsuarmi Uummannamilu mittarfinnik naannerumaanik sanaartortoqarnissaa misissorneqassasoq.
Attaveqaqatigiinnermut naalakkersuisoq Karl Frederik Danielsen siunissami angallannerup qanoq iluseqarnissaa pillugu oqaloqataarusuppoq.
- Nalunaarusiap inatsisartut ukiaru ataatsimiinnissaasa naammassinnginnerani tunniunnissaa neriuutigaara. Orbicon iminnikuuarput nalunaarusiami takissutsit, akit timmisartullu sorliit mittarfittaartoqassangaluarpat atorneqarsinnaanersut misissorneqassasut, Karl Frederik Danielsen oqarpoq.
Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaalereerpoq: