Mittarfittaassat ammarpata timmisartussaq nutaaq
Air Greenlandip timmisartorsuaq qulimiguulillillu 2023-p naannginnerani taarserusuppai
Ukiut pingasut affarlu ingerlaneriinnaani Air Greenlandip taarsigassarsiani nungulertornissaanut timmisartunillu taarsiinissanut annertuumik pilersaaruteqarpoq.
Aviisi Sermitsiaq taama allappoq.
Naalagaaffiup aammalu SAS-ip piginneqataassutaanik pisinissamut atatillugu aningaaserivimmut timmisartuutileqatigiiffik 260 millionit koruuninik taarsigassaqarpoq.
saniatigut qulimiguulillit Norsarlu taarsersorneqassapput.
- Ataatsimut imatut eqikkarneqarsinnaavoq, uagutsinnut silarsuaq eqqortumik ingerlassappat, tassa pilersaarutivut malissinnaassagutsigit, ukioq 2023-p naajartornerani, mittarfissuit nutaat atuutilersinneqarnerinut atatillugu S-61, Bell 212 aamma norsaq tamaasa nutaanik taarsereersimassavagut, tamatumalu saniatigut aamma piginneqataassutsinnik pisinitsinni aningaasartornitsinnut atatillugu taarsigassarsiavut tamaasa utertereersimassavagut, Air Greenlandip pisortaa, Jakob Nitter aviisimut Sermitsiamut oqarpoq.
Assaa taarsigassarsiat nungulertorniarsimavasi ilutigisaanillu timmisartunik taarsersuinissamut aningaasaliisussaallusi?
- Aap, sukkasuuimik suliarineqassapput. Tassunga tunngavoq niuernikkut pilersaarutivut suliarilluakkat najoqqutarissagatsigit, aammami ingerlatseqatigiiffik niuernikkut ingerlalluartuummat, silatusaarluinnartumillu pisussat pilersaarusiorluagaanerat, tamannalu assut naammagisimaarparput, Air Greenland-ip siulersuisui sinnerlugit siulittaasup tullia, Bodil Marie Damgaard akivoq.
Aviisimi Sermitsiami Air Greenlandip pilersaarutai pillugit paasisaqarnerusinnaavutit, uani ataani linki aqqutigalugu aviisimut isissutissarsisinnaavutit: