Mittarfittaassaq: Munck-imi sulisoq sulitilluni ajutoortoq
Munck Gruppenimi sulisoq sulinermi nalaani ajutoorujussuarpoq
Nuummi mittarfiup tallilerneqarneranut sulisoqarnerani ajutoortoqarpoq decembarip aallartinnerani.
- Sulisoq qillerummik ajutoorpoq, qaartitsiffiusussamut putumut kiggereernermi kingorna, Munck Gruppenimit Orla Nielsen Sermitsiaq.AG-mut oqarpoq.
Inuai marluk kipineqartut
Munck Gruppenimi sulisoq ajutoortoq Dronning Ingridip Napparsimaviliaanneqarpoq, tassani inuai marluk kipineqartariaqarsimallutik.
Sulisoq pineqartoq maanna sulileqqereerpoq.
- Sivikinnerusumik sulinissaa piareersimaffiginikuuarput, taamaattoq maanna qillerisutut sulileqqereerpoq, Orla Nielsen oqarpoq.
- Maani illoqarfimmeersunik sulisorpaaloqarpugut, sulinerat naammagisimaarluarparput, pilersaarusiortoq oqarpoq.
Sullivinnik Nakkutilliisoqarfik misissuisoq
Sulisoq pineqartoq qanoq isilluni ajutoorsimanersoq Sullivinnik Nakkutilliisoqarfimmit suli misissorneqarpoq.
Munck Gruppen 40-t missaanni maanna sulisoqarpoq.
- Sulinitsinnut soorunami sila unamminartuusinnaasarpoq. Aputaajaaqattaarpugut ulluni makkunani, Orla Nielsen oqarpoq. Ataasinngormat aperujussuarnerata pissutigisaanik sulineq unitsiinnartariaqarsimasoq ilisimatitsissutigaa.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...