Mittarfittaassaq: Ilulissani qaartiterinissamut pilersaarut ima isikkoqarpoq

Naatsorsuutigineqarpoq 2020-imi qaammatit pingasukkaat aappaanni (1. april – 31. juni 2020) 50.000 kubikmeterit tikillugit qaartiterisoqassasoq.

Aasaanerani qaartiterinerit pingasunngornerni sapaatinilu nalunaaqutaq 07.00-imit 08.30-ip tungaanut qaartitsisoqartarnissaa pilersaarutaavoq, Kalaallit Airports nittartakkamini allappoq.

Ukiaanerani qaartitsinerit 10.00-imit 11.30-ip tungaanut ingerlanneqartassapput, tassa novembarip aallaqqaataanit marsip 31-ata tungaanut.

- Munck-ip naatsorsuutigaa entreprenøri najukkameersoq qillerinernik aamma qaartiterinernik suliaqanermi atorneqassasoq. Piffissami ataasinngornermiik arfininngornermut (07 – 18), sapaammut periarfissaqarluni, sumiiffinni qaartiterneqartussani qillerinernik suliaqarneq ingerlanneqassasoq pilersaarutigineqarpoq.

Ilulissani innuttaasut pilersaarut pillugu paasissutissiivigineqassapput, taamaalillutik ingerlatassatut pilersaarutigineqartut pillugit paasisimassallugu.