Mittarfissaq nutaaq: Qaartiterinissamut pilersaarut ilungersuatitsisoq
Mittarfiliorniarluni qaartiterinissamut pilersaaruteqartoqanngilaq. Soqutigisat imminnut akerleriittut Nuummi timmisartoqarfiup eqqaani qaqugukkut qaartiterisoqartassanersoq pillugu pilersaarut maannamut aporfeqartippaat
Timmisartoqarfitoqqap tamakkiisumik ingerlanneqarneranut peqatigitillugu nutaamik mittarfiliorniarneq unammillernartoqartoq paasinarsivoq.
Munck Gruppen qaqqamik imaaliinnarluni qaartiterisinnaanngilaq. Qaartitsisoqannginneranimi Mittarfeqarfiit, Air Greenland, Icelandair Connect aamma Kalaallit Airports erseqqissumik isumaqatigiissuteqarfigineqartussaapput.
Tamanit takuneqarsinnaasussaq
Qaartiteriissamut pilersaarut VVM-imut piumasaqaatit naapertorlugit qaartiterinissaq qaammatinik pingasunik sioqqullugu Kalaallit Airportsip nittartagaani tamanit takuneqarsinnaasussaavoq, qaartiteriffissap eqqaani najugallit qaqugukkut qaartitsisoqassanersoq takusinnaasussaammassuk.
- Suliassap naammassiniarnera ajornartorsiutigisimavarput, sulilu pilersaaruteqartoqanngilaq. Neriuutigaarali qaammatip naannginnerani pilersaarut suliarineqarsimassasoq, Munck Gruppernimi novembarip qaammataani sulillutik aallartittussaammata, Kalaallit Airportsimi pisortaaneq Peter Wistoft oqarpoq.
Timmisartunik ingerlatseqatigiiffik qaartiterinissamut pilersaarumminik sapaatip akunnerani kingullermi nittartakkamigut saqqummiussivoq, taannali maanna peerneqarsimavoq.
Sulisut najugaqarfissaat mininneqarsimasoq
Munck Gruppen sapaatip akunnerani kingullermi pingasunngornikkut Quassussuup naqqani, sulisut najugaqarfissaanni qaartitsivoq. Sulisut najugaqarfissaannut atatillugu qaartitsinissat VVM-imut piumasaatinut ilaanngillat, qaartiterinerillu taakku timmisartoqarfiup ingerlanneqarneranut akornutaanngillat.
VV-imut nassuiaat naapertorlugu sapaatip akunnerani ullut tamaasa ullaakkut arfgineq-marluniit unnukkut qulit tungaanut qaartiterisoqarsinnaavoq. Tamannali timmisartoqarfimmi sulisunut, Air Greenlandip timmisartuutaanut, sulisuinut ilaasuinullu ulorianarsinnaammat pisinnaanngilaq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...