Mittarfinnut tapiissutit – Ruslandimut illersuutissat
USA-p mittarfiliortiternissat tapiiffigineqarnissaannut soqutiginninninneranut pissutaasut ilaat tassaavoq russit aqqartartuinik Kalaallit Nunaata kujataaniittunik ernummatiginninneq. USA-p Kangerlussuup mittarfittut aalajangiusimaneqarnissaanut akiliuteqarnissani aamma isumaliutigigaa AG-mit tusarfinnit paasineqarpoq.
USA Kinap mittarfiliortiternissanut suliniuterujussuarmit ingalassimatinnissaanik pingaartitsilluinnarpoq. Pingaartumilli russit Issittumi Atlantikullu Avannaani sakkutooqarnikkut upalungaarsarnerannut illersorsinnaajumallutik Amerikamiut aningaasaliisussatut maanna sassarterpoq.
AG allappoq.
USA-p russit aqqartartui Kalaallit Nunaata kujataani annertusiartuinnartumik angalasartut alaatsinaakkusuppai. Taamaattumik Qaqortumi mittarfiliornissaq Amerikamiut tapersersorpaat, Kujataani timmisartutit sorsuutit atorlugit missinnaasarniassagamik. USA timmisartut sorsuutit Kangerlussuarmi Ilulissanilu mitsissinnaanissaannik aamma soqutiginnittoq AG tusarfinnit qitiusumik inissisimaffeqartunit paasisaqarpoq.
Kangerlussuup qulimiguulinnut mittarfinngortinneqarnissaa pinngitsoortinniarlugu USA-p mittarfimmik aserfallatsaaliinermik isumaginnittunngornissaa pineqalersinnaavoq. AG-p tusarfii naapertorlugit, USA-p Kangerlussuarmi timmisartut sorsuutit atorlugit missinnissamut periarfissat attatiinnarusuppai.
Allaaserineqartoq AG-mi tamakkiisumik atuaruk. Aviisi uani pisiarineqarsinnaavoq: