Mittarfinnut pilersaarut GE-p qularnartoqartippaa
Oqallinneq paatsiveqanngilaq. Naalakkersuisut politikkiat paatsiveqanngilluinnarpoq. Mittarfiillu qanoqakeqarnissaannut atatillugu kisitsisit eqqortut amigaataapput, Sulisitsisut Peqatigiiffiat isumaqarpoq
Sulisitsisut Peqatigiiffiata (GE) ernumanartittorujussuuaa mittarfinnut pilersaarussuaq piviusunngunngitsoorsinnaasoq.
AG taama allaaserisaqarpoq.
Pisortaq Brian Buus Pedersen isumaqarpoq aqutsineq Naalakkersuisullu ersarissumik nalunaaruteqarnissaat amigaataasut.
- Oqallinneq paatsiveerussimavoq. Kikkut tamarmik annertu-nerusumik annikinnerusumilluunniit isummaminnik oqaaseqaamminnillu saqqummiussuipput. Ernumasorujussuuvunga. Qanittukkut aqutsisoqalinngippat suliniummillu nukittuumik ingerlatsisoqalinngippat mittarfiliornissat maangaannassapput – aningaasaqarnikkut Kalaallit Nunaannut annertuumik ajoqusiisumik, Brian Buus Pedersen oqarpoq.
- Oqallinneq taama paatsiveqanngitsigisumik ingerlaannassappat ersissutigaara suut tamarmik maangaannassasut.
Sulisitsisut Peqatigiiffiata pisunik naliliinera AG-mi paasisaqarfiginerujuk: