Skip to main content

Mittarfinnik ingerlatseqatigiiffik en milliard koruuningajannik aningaasaliiffigineqartoq

Kalaallit Airports Holding A/S-imut aningaasaliissuteqartoqarmat Nunatta Karsia en milliard koruuniingajalluinnarnik aningaasaatikinnerulerpoq

Mittarfinnik ingerlatseqatigiiffiup qinnuiginninneratigut Naalakkersuisut aalajangerput, ingerlatseqatigiiffimmut 938.253.000 koruuninik aningaasaliissuteqarniarlutik, ingerlatseqatigiiffik taamaalilluni katillugit 1,392 milliarder koruunit nalinginik aningaasateqalerpoq.

Munck Gruppenip Nuummi kingusinnerusukkullu Ilulissani mittarfiliorlutik aallartinnissaannut tamanna erseqqissumik uppernarsaataavoq.

Ataatsimeersuarneq

Siulersuisunut Allattoqarfimmi pisortaq Lars Balslev piginnaatinneqarpoq pisariaqartinneqartunik isumaginninnissamut, taamaalilluni ingerlatseqatigiiffimmi Holdingimi Namminersorlutik Oqartussanit tamakkiisumik pigineqartumi immikkut ittumik ataatsimeersuartoqarsinnaanngorpoq.

-  Aningaasaliissutit qaffanneqarnerisigut ileqqoreqqusat allanngortinneqarnerat immikkut ittumik ataatsimeersuarnermi akuersissutigineqartussaapput, Lars Balslve Sermitsisaq.AG-mut nassuiaavoq.

Taassuma ilisimatitsissutigaa, Nuummi Ilulissanilu mittarfiliornissamut Nunatta Karsianit ukiuni aggersuni aningaasaliissuteqartoqartarnissaanik pilersaaruteqartoqartoq, tassa Kalaallit Airports Holding A/S-ip immikkoortortaqarfianut Kalaallit Airports Internationalimut, naalagaaffiup piginneqataaffigisaanut.

Aningaasat ukunannga aaneqassapput

En milliard koruuningajaat taakku ukunannga aaneqassapput:

  • 423.223.000 koruunit (PFA Soraarnermi soraarnerussutisiassanut tunngatillugu aaqqissuussap atorunnaarneranit ataasiartumik isertitanut tunngatillugu Piffissaq ungasinnerusoq eqqarsaatigalugu aningaasaliissuteqarnissamut Aningaasaateqarfimmit)
  • 210.927.000 koruunit (Nunatta Karsiata 2016-imut naatsorsuutaani sinneqartoorutinut tunngatillugu Piffissaq ungasinnerusoq eqqarsaatigalugu aningaasaliissuteqarnissamut Aningaasaateqarfimmit)
  • 204.103.000 koruunit (Nunatta Karsiata 2017-imut naatsorsuutaani sinneqartoorutinut tunngatillugu Piffissaq ungasinnerusoq eqqarsaatigalugu aningaasaliissuteqarnissamut Aningaasaateqarfi​​​​​​​mmit)
  • 100.000.000 koruunit (Tele Greenland A/S-imit immikkut ittumik iluanaarutinut tunngatillugu Aktiaateqarluni ingerlatseqatigiiffinnut toqqaannartumik aningaasartuutit​​​​​​​ pillugit konto pingaarnermit 10.13.1-mit)
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER