Skip to main content

Mittarfinni minnissamut pitsaassutsit allattorsimaffiat takuuk

Nunatsinni mittarfinni timmisartortartup minnissaanut silap pinngitsoortitsisarnera annertuumik nikingassuteqarpoq. Mittarfiit sorliit pitsaanerunersut pitsaannginnerunersullu allattorsimaffimmi takukkit.

Nunatsinni mittarfiit tamarmik miffigineqarnissaminnut pitsaassusaat Siumumeersup Anders Olsenip paragraf 37 naapertorlugu apeqquteqarnerani, attaveqaqatigiinnermut naalakkersuisup Simon Simonsenip Inuplan naatsorsuusiortissimavaa.

Taamaaqqissaanngilarli. Tassami mittarfiit marluk allattorsimaffimmi ilaanngillat, Kulusumi aamma Nerlerit Inaanni paasissutissat pissarsiassaanngimmata.

Aqqanillit allattorsimaffiat

  1. Kangerlussuaq: 99,8 pct.
  2. Ilulissat:  94,5 pct.
  3. Nuuk: 89,9 pct.
  4. Aasiaat: 89 pct.
  5. Qaanaqq: 88 pct.
  6. Sisimiut: 88 pct.
  7. Paamiut: 85 pct.
  8. Qaarsut: 81 pct.
  9. Upernavik: 81 pct.
  10. Maniitsooq: 79 pct.
  11. Narsarsuaq: 78-89 pct.

Pissut 

Skemami kisitsisit tassaapput sila peqqutigalugu piffissamik eqquinani minnerni, maleruagassani – minnerpaaffissat malillugit nuissat portussusaat, isikkivillu ajoqutaatinnagit missinnaanermi piffissamut atorneqartumut naatsorsukkat, Simon Simonsen naqissusiivoq.

Paarlaanneqassanngitsoq

- Taamaattumik sila peqqutigalugu piffissamik eqquisinnaannginneq sullissisup sullissinerinut naammassineqartunut paarlaanneqassanngilaq, taakkunani angallavinnut pilersaarusiornerit ullup unnuallu ingerlanerini silap pissusaannut eqqarsaatigalugu, tassanilu pingaartumik isikkivik nalinginnaasunut naleqqussarneqarsimanissaat naatsorsuutigineqarmat, Anders Olsenimut akissummi tamanna allaqqavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER