Skip to main content

Mittarfiliorneq issimit apummillu akimmisaartinneqartoq

Munck Gruppen Nuummi mittarfiliornermut atatillugu issimit apummillu ajornartorsiortinneqarpoq. Ilulissani qaartiterinerit aatsaat aappaagu aallartissapput, naak januaarip 29-ani malunnartitsiniutaasumik qaartitsisoqassagaluartoq

Kalaallit Airports Ilulissani mittarfissap sanaartorneqarnerata aallartinnera malunnartinniarlugu pingasunngornermi januaarip 29-ani qaartitsissaaq. Qaartiterinersuilli aatsaat aappaagu aallartissapput.

Malunnartitsineq

Malunnartitsiniarluni qaartitsineq Munck Gruppenip Ilulissani mittarfissap 2.200 meterinik takissuseqartussap sanaartorneqarneranut atatillugu ingerlatat annikinnerusut maanna aallartinneqarnerannut malunnartitsineriinnassavaa.

- Mittarfimmik sanaartornermut atatillugu qaartiterinerit aatsaat 2021-mi aasakkut aallartissavavut, Kalaallit Airportsip pisortaanera, Peter Wistoft, Sermitsiaq.AG-mut oqarpoq.

- Ukioq manna suliassat annikinnerit aallartinneqassapput. Pineqartut tassaappat nutaamik aqqusinniorneq qaartiterutissanullu toqqorsivik nutaaq, tamatumalu peqatigisaanik ineqarfiliussaagut, maskiinarsuit sulisorpassuillu Nuummit 2021-mi aasakkut tikeralerpata sulisut ineqarfigisassaannik, Peter Wistoft nassuiaavoq.

Nuummi akimmisaarutit

Taanna paasissutissiilluni oqarpoq, Nuummi issinnera apullu Munck Gruppenimut akimmisaarutaasimasut.

- Kisianni taamatut ukiuusarnera eqqarsaatigissagaanni taama psoqartarnissaa ilimagineqarsinnaareerpoq. Tamakkua sanaartornermik ingerlatsisup silap ajunnginnerulerpat piffissani allani angumeriniartariaqassavai, Peter Wistoft oqarpoq, tamatumalu saniatigut suliat “pilersaarutit naapertorlugit” ingerlanneqarnerat nalunaarutigisinnaanerarlugu. Pingaarnertut piffissaliussatut pilersaarutip unammillerneqarnera pillugu ernummateqannginnerarpoq.

Nutaamik qarasaasiakkut saaffiginnittarfeqalernikkut peqatigiiffeqarneq innuttaasunut peqatigiiffinnullu oqinnerusumik ingerlasinnaalissaaq
Nittartagaq nutaaq Sammisassat.gl aqqutigalugu peqatigiiffiit innuttaasullu ajornannginnerusumik peqatigiiffiit neqeroorutaannik malinnaasinnaalerlutillu paasissutissanik pissarsisinnaalissapput....
Kommuneqarfik Sermersooq kulturimut tapersersuisuuvoq – aningaasanik tapiissutinik pisinnaavutit
Tapiissuteqartarfik Sermeq kommunimi kulturimut tunngasunut suliniutinut aammaarluni aningaasanik tapiissuteqassaaq. Kulturimut tunngassutilinnik suliaqartartut, peqatigiiffiit inuillu eqimattat...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER