ingerlatseqatigiiffik

Mittarfiit pingasut Kalaallit Airportsimut katersuuttut

Ingerlatseqatigiiffiup Savalimmiormiumik Jákup Sverri Fomdsdal Kassimik siuttoqarluni mittarfiit pingasut pingaarutillit ingerlatissaavi, taanna nutaamik siulersuisoqarluni piareerpoq

Ilulissat Lufthavn

Suliffeqarfik pilersinneqaqqammersoq Kalaallit Airports A/S-imik taaguuteqarpoq.

Suliffeqarfik Namminersorlutik Oqartussat ataanni Nuummi Mittarfik, Ilulissani Mittarfik, Greenland International Airports Ltd, aamma Qaqortumi Mittarfik ataatsimut ingerlatseqatigiiffiussaaq.

Namminersorlutik Oqartussat Kalaallit Airports A/S-imik pilersitsisuupput, siunertamut allaatigineqarnera naapertorlugu Nuummi, Ilulissani aamma Qaqortumi mittarfiit sananeqarlutik, pigineqarlutik ingerlanneqassapput. Namminersorlutik Oqartussat pilersitsinermi 200.000 millionit koruuninik kurs 100,000-mut akiliuteqarput.

Savalimmiormioq pisortaq
Qullersaqarfik maannakkumut Savalimmiormiumik inuussutissarsiornikkut aqutsisumik Jákup Sverri Fomdsdal Kassimik inuttaqarpoq.

Taanna umiarsuaateqarfimmi Smyril Linemi 1998-imit sulivoq ilaatigut 2005-2009-mut tuniniaanermut niuernermut pisortatut. 2009-mit 2012-imut timmisartortitseqatigiiffimmi Atlantic Airwaysimi tuniniaanermut niuernermullu pisortaavoq. 2012-imi Vágar Lufthavnimi pisortaaninngorpoq.

Jákup Sverri Fomdsdal Kass inuusunnermi nalaani politikkimik suliaqarluarsimavoq. Savalimmiuni partiimut siulersuisuni ullumikkut sinniisuuvoq.

Siulersuisuni siulittaasoq qallunaaq
Kalaallit Airportsimi siulersuisut tassaapput, siulittaasoq Leo Bruno Larsen, Peter Eduard Christiansen, Jákup Sverri Fomdsdal Kass, Anna-Berit Koertz aamma Aviâja Lyberth Lennert.

Leo Bruno Larsen qallunaajuvoq inuussutissarsiornermik suliaqartoq aamma atorfilittaasimasoq. Taanna siornatigut Sund & Bælt Holding A/S-imi pisortaanerusimavoq, taamatullu Femern A/S-imi.

Powered by Labrador CMS