Mittarfiit pillugit tuaviortumik suliarineqarnissaa Siumumit piumasarineqarpoq
Inatsisartuni ilaasortat juulip aallartinnerani immikkut ataatsimiigiarnissaat naatsorsuutigineqassaaq. Tassanimi mittarfiit pillugit aalajangiisoqassaaq
Annonse
Mittarfiit pillugit Inatsisartut siullermeerlutik oqallipput ullumi ataasinngornermi. Anders Olsenip Siumumeersup siunnersuutigaa suliaq juulimi naammassineqarsinnaasoq.
Suliaq tuaviuussaasoq IA-mit Sara Olsvig isumaqarpoq. Misissuinerit sukumiinerusut pisariaqartinneqartut isumaqarpoq, tamannalu Demokraatinit taperserneqarpoq.
Tuaviuussaq
- Tuaviuussisoqarnera pitsaasuunngilaq, tassami paasissutissanik amigaateqartoqarpoq. Inatsisartuni ilaasortat paasissutissat pisariaqartippaat, Sara Olsvig ilaatigut oqarpoq.
Kangerlussuup Narsarsuullu siunissaasa isummerfigineqarnissaat aamma piumasarineqarpoq.