Skip to main content

Mittarfiit pillugit isertuussineq IA-p isornartorsiorpaa

Mittarfiit siunissaat pillugit ammasumik sulisoqarnissaa Stine Egedep piumasaraa.

Kangerlussuup Narsarsuullu siunissaat pillugit suleqatigiissitanik marlunnik pilersitsillutik, Naalakkersuisut tallimanngormat nalunaaruteqarput. Ippassarlu allaaserinninnitsitut sulineq matut matullugit ingerlanneqassaaq.

Tamanna Kommune Kujallermi IA-mit kommunalbestyrelsemi ilaasortaasup, Stine Egedep ingasagilluinnarpaa.

- Tupaallaatigeqisannik ullumikkut tusagassiutini atuarpara Narsarsuup Kangerlussuullu siunissaat pillugit Borgmesterit Malik Berthelsen aamma Kiista P. Isaksen Naalakkersuisorlu Karl Frederik Danielsen atsioqatigiissimasut suleqatigiissitamik "isertorluni", tassalu matup tunuani sulisussamik pilersitsillutik​​​​​, tusagassiutinut nalunaarummini allappoq.

Stine Egedep (IA) oqarnera naapertorlugu suleqatigiissitaq kommunalbestyrelsemi immikkut ittumik ataatsimiinnermi taaneqanngilaq. Taannalu isumaqarpoq, borgmesteri Kiista P. Isaksen (S) kommunemi politikerit peqataatinnagit atsiornissaminut pisinnaatinneqanngitsoq.

- Kommunalbestyrelsemi ilaasortatut tamanna akuersaarsinnaanngilluinnarpara. Borgmesteri pisinnaatissinnaanngilaq kommunalbestyrelse avaqqullugu suliniummik taama imaannaanngitsigisumik sulisitsissalluni. Suleqatigiissitaq kikkunnik inuttaqassava? Qanoq piffissalerneqarpa? Qanoq kikkunnillu aningaasalerneqarpa? Sooq suleriuseq taamaattoq qinerneqarpa?

- Tamat oqartussaaqataanerat innarlerneqaraluttuinnarpoq, siuttut matup tunuani suliuartillugit. Tamanna Inuit Ataqatigiinni akuersaanngilluinnarparput. Kinaluunniit peqataasimanngitsutut misigisimasoq naammagittaalliortuassaaq. Inuk nunamini apeqqutinut angisuunut peqataatinneqanngitsoq toqqissisimajunnaartarpoq. Pissutsit taamaattut naammaleqaat, allanngortoqartariaqarpoq.        

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER