Arctic Winter Games

Mittarfeqarfiit AWG 2016-mut ima aningaasaleeqataassaaq

Timersortartut Nunatsinni angalasussat akileraaruteqanngitsumik angalasinnaassapput

Mittarfeqarfinni pisortaq Jens Lauridsen aamma Arctic Winter Games 2016-mi General Manageri, Maliina Abelsen

Arctic Winter Games 2016-mut (AWG 2016) aningaasanik tapersersuilluni Mittarfeqarfiit tusagassiutinut nalunaaruteqarpoq. Aningaasaliineq Nanoq atorneqarpoq.

Tapiissutitut timersortartunut nunatsinni angalasussanut, akileraaruteqanngitsumik angalatitsilersaarpoq. Taassuma saniatigut Mittarfeqarfiit AWG 2016 (logistikikkut) ingerlasussanik piareersaanerini aqutsinerinilu, attaveqaqateqarnikkullu sullitilersaarpaat, Mittarfeqarfinnni pisortaq, Jens Lauridsen, tusagassiutinut nalunaaruteqarpoq.

Taassuma saniatigut Mittarfeqarfiit pisussaaffigiumavaat peqataasorpassuit tikerarnerini allattuisuujumallutik, kiisalu atortussaat isiginnaariarlutillu Kangerlussuaqquttut Nuummullu tikerartut ilanngullugit allattorneqarnissaat isumagilersaarpaat.

Mittarfeqarfiit taamaalillutik toqqaannartumik aningaasaaratik akileraarummik atorunnaarsitsinerinnarmikkut kiisalu sulisuminnut tiimiliussamikkut tapersiipput.

- AWG 2016-toqalernerata periarfissingaatsiartussaavaatigut Kalaallit-Nunaannik nunanut allanut malunnaatilimmik nittarsaasseqataanissatsinnut. Peqataasussat tikerartullu allat nunatsinnut tikinnerminni aallalernerminnilu takusaanni siulliullunilu kingulliusussaavoq Mittarfeqarfiit, pissusissamisuuinnassooq tapersersueqataallutalu taama persuarsiorfiutigisussap AWG 2016-p iluatsilluartumik ingerlanneqarnissaanut, tupinnarsimassagaluarporluunniit suleqataarusussuseqarsimanngikkaluarutta, Jens Lauridsen tusagassiutinut nalunaarummi oqarpoq.

Powered by Labrador CMS