Skip to main content

Missingiineq: Aningaasaqarneq ingerlalluartoq

Aningaasaqarnermut Siunnersuisoqatigiit Kalaallit Nunaata aningaasaqarnera 3,9 procentimik qaffassasoq naatsorsuutigaat, tassa 2019-imi 1,8 procentimiinnissaanik naatsorsuutiginnissimanermit marloriaataa sinnerlugu qaffariarsimavoq

Aningaasaqarnermut Siunnersuisoqatigiit Kalaallit Nunaanni aningaasaqarnerup ineriartorluarnissaanik naatsorsuuteqarnertik annertusisimavaat, coronavirusilli siammaakkiartorneratigut Kina niueqatigisartagaq mattussaajartortillugu aningaasaqarneq ajortumik sunnerneqarsinnaavoq.

Mittarfiliortiternerit, inissialiornissamut aningaasaliissuteqarusunneq kinguppattassallu qaffanneqarsimanerat taamatut annertutigisumik missingiinermut tunngaviusoq, Aningaasaqarnermut Siunnersuisoqatigiit arfininngormat Hotel Hans Egedemi isumasioqatigiimmata Anders Møller Christensen Aningaasaqarnermut Siunnersuisoqatigiit siulittaasoqarfianeersoq ilisimatitsivoq.

Kinguppannut akigititat ukiuni kingullerni appariartorsimagaluartut, Aningaasaqarnermut Siunnersuisoqatigiinnit isumaqartoqarpoq, kilisaatit kinguppanniutit nutaaliarsuit Polar Seafoodimit Royal Greenlandimillu atorneqalersimasut kinguppatassallu qaffanneqarsimanerisa malitsigisaannik pisassiissutigineqartut tamakkerlugit pisarineqartalissasut, taamaalilluni nunap aningaasaqarnikkut ineriartornera attanneqarsinnaalerluni. 

Nalikilliliinerit

Aningaasaqarnermut Siunnersuisoqatigiit aalisakkanut akigititat immikkut misissoqqissaarsimavaat 2019-imi akigititat appariarnerat tunngavigalugit nalikilliliisimallutik.

- 2019-ip qaammataani pingasuni siullerni aalisakkanut qalerualinnullu akigititat nalikillineqarpata, 2018-2020-mut akii syv procentimik appariassapput. Nunatta Karsiata taamaalilluni 2018-imut sanilliullugu isumalluutinit akitsuutit 70 millioner koruuniusut annaassavai, Anders Møller Christensen, kinguppatassat qaffanneqarsimanerat pissutigalugu taamak annertutigisumik annaasaqartoqarnissaanik ilisimasuuteqanngitsoq ilisimatitsivoq.

Missingiinermi allami, to procentimik appaasoqassappat pisortat 150 millioner koruuninik isertitaqarnissaat naatsorsuutigineqarpoq.

Sillimatissanik immikkoortitsisoqarli

- Isumalluutinut akitsuut Nunatta Karsianut pingaarutilittut isertitsissutaasarpoq. 2018-imi 425 millioner koruuninik isertitsissutaasimavoq. Aalisakkanut qalerualinnullu akigititat qaffasissuunerisa nalaanni ukiunut appasiffissumik akeqalernissaannut sillimmatissanik immikkoortitsisoqanngippat, inuiaqatigiit ajornartorsiulersinnaapput, Anders Møller Christensen erseqqissaavoq, innersuussutigalugulu sulisoqarnermut akitsuuttip atuutsinneqalernissaa ingerlatseqatigiiffinnullu akileraarutip appartinneqarnissaa akissaqartinniarlugit nioqqutissat ilaasa akitsuutaannik qaffaasoqarmat akerliussutsimik takutitsisoqartoq.

Anders Møller Christensenip pisarnermisut eqqissisimarpalluni, politikkerinut sakkortuumik kaammattuutigaa allaffissornerujussuaq annikillisaqqullugu.

Pisortat allaffissornerat annikillisinneqassaaq

- Pingaarnertut suliassat ilagaat, pisortat 2030-p tungaanut 600 millioner koruuninik sipaaruteqarniartussaanerat. Ukiut quliinnanngorput tamatuma naammassineqarnissaanut, tassa ukiut tamaasa 60 millioner koruuninik nassaarniartartussaassapput. Pingaaruteqarluinnarpoq piaarnerpaamik sungiusarluni allaartittoqarnissaa, understregede Anders Møller Christensen Inatsisartuni politikkerinut Naalakkersuisunullu toqqaannartumik innersuussissullui erseqqissaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER