Missingersuut: Narsarsuarmi 21-nnarnik innuttaasoqalissaaq
Qaqortumi suluusalinnut mittarfeqarlernera pissutaalluni Narsarsuarmi innuttaasut ikileriarujussuassasut Rambøll naliliinermi missingersuivoq
Narsarsuarmi maanna innuttaasut 126-iusut Qaqortumi mittarfeqalerpat innuttaasut ikilinissaat Rambøll-ip naatsorsuutigaa.
Kalaallit Nunaannut kisimi iluanaarutaasussaasoq, tassa Narsarsuup heliportinngortineqarnissaa, naatsorsuutigineqarpoq Narsarsuaq 21-nik innuttaasoqalissasoq. Innuttaasut qulit mittarfimmi sulisuussallutik.
Narsarsuup mittarfiata takissusaa allanngortinneqassanngippat, Qaqortumilu mittarfik ammarpat, innuttaasut 58-nik ikileriassapput. Akunnittarfiup ammaannannginnissaa naatsorsuutigineqarpoq.
Narsarsuup mittarfia 500 meterinik takissuseqassappat innuttaasut 42-nissaat naatsorsuutigineqarpoq.
Politikkikkut Narsarsuup matuneqarusunnginnera pissutaalluni Rambøllip kisinngilaa inuiaqatigiinnut tamanna qanoq iluaqutitaqassanersoq.