Misissuisimaneq: Utoqqaat ikiorneqarnissaminnut nal. akunnerini marlunni utaqqisariaqartartut
Ombudsmandip Nuummi utoqqaat illuanni misissuinermini pissutsit arlallit naammaginanngitsut oqaatigisariaqarsimavai. Najugaqartut ikiorneqarnissaminnut ilaatigooriarlutik nalunaaquttap akunneri marluk tikillugit utaqqarisariaqartarsimapput.
Ombudsmandip 2020-mi aggustip qaammataani Utoqqaat Illuanni misissuinermini pissutsit arlallit naammaginanngitsut saqqummiussai utoqqaat illuanni pisortat kommunimilu ingerlatsiviup iluarsisariaqarsimavaat.
Utoqqaat Illuat najugaqartunut avatangiisinik toqqissisimanartunik neqerooruteqartartoq, ombudsmandi pisortaqatigiit sulisullu suliaminnut pikkorissuusut suliatillu najugaqartut ataqqillugit ingerlattaraat isumaqartoq inerniliivoq
Pissutsit sisamat
Pissutsit sisamat maluginiarneqartut:
- Sulisut akornanni napparsimakulasoqartarnera sulisunut ulapinnerujussuusariaqartartunut unammillernartuinnaanngilaq, aammali najugaqartut ikiorneqarnissaminnut nalunaaquttap akunneri marluk tikillugit utaqqisariaqartarput.
- Nakorsaasersuinermi puussat iisartakkanik imallit sulisut inaanni saqqumiinnartut. Nakorsaatit tamatigut parnaarussimaneqartussaapput.
- Paaqqutarinniffittut oqilisaassivittullu immikkoortortaqarfimmi Ippammi najugaqartut pujortartarnerat aalakoornartortalinnillu imertanerat ajornartorsiutaasoq, pujortartarnermut imigassartortarnermullu malittarisassat assigiinngitsuupput, tamatumalu malitsigisaanik najugaqartut akunnerminni aaqqiagiinngissuteqartartut.
- Immikkoortortaqarfinni ataatsimoortarfiit angerlarsimaffippalaaratik paaqqinniffippalaartutut isikkoqartut.
Pissutsit taaneqartut sisamat taakku tamarmik utoqqaat illuanni pisortanit kommunimilu ingerlatsivimmit iluarsiiffigineqarsimapput, tamannalu tunngavigalugu Ombudsmandip misissuisimanermi suliaq naammassineqartutu inernilerpaa.
Nalunaarusiaq tamaat atuaruk, ugguuna
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...