Skip to main content

Misissuisimaneq: Inuit innarluutillit sulilersinneqarniartarnerat ajornakusoortoq

Suliffeqarnissamut ilinniagaqarnissamullu pisinnaatitaaffik Kalaallit Nunaanni malinneqanngillat. Tiliup misissuititsisimanerani taamatut inerniliisoqarpoq.

Suliffeqarfiit misissuiffigineqarsimaneranni takuneqarsinnaavoq, suliffeqarfiit ikittuinnaat innarluutilinnik atorfinitsitsisarnermut atatillugu sulisussarsiornissamut politikkeqartut.

Misissuinermut atatillugu misissorneqartut ilagaat, suliffinnik inuttassarsiuinernit 298-iusunit tallimat tamanut kaamattuuteqarsimasut, qanorluunniit inuttut atugaqaraluaraanni atorfimmut inuttassarsiuunneqartumut qinnuteqartoqarsinnaasoq.

-Sulisussarsiornernit taakkunannga pingasut ikinnerussuteqartunik ilanngussisimapput, soorlu suiaassutsimut, qanoq ukioqanermut, upperisaqarnermut imaluunniit inuiaannut aalajangesimasunut tunngassuteqartunik ilanngussisimapput. Ataasiinnarli inunnut innarluutilinnut oqqaannartumik qinnuteqaqqusisimavoq.
Tilioq ”Innarluuteqarnermut isummat” pillugit innuttaasut isumaannik ataasinngornernermi saqqummiunneqartussamik misissuisimasoq allappoq.

Ikittuinnaat pineqartoq pillugu politikkeqartut

Tiliumit ukiuni kingullerni sulissutigineqarsimavoq, inuiaqatigiit inunnik innarluutilinnik pitsaanerusumik peqataatitsisalernissaat.

Suliffeqarfiit inunnut innarluutilinnut tunngatillugu ammanerusumik peqataatitsisarnersut pillugu HS Analysep misissuisimaneranut atatillugu, Tiliumit sulisoqarnermut akisussaat aqqaneq-marluk apersorneqarsiapput.

Apersuisimanerit takutippaat, inuit innarluutilli suliffeqarfinni pineqartuni sulilersinneqarsinnaanerat nalinginnaasumik pingaartinneqarnerusimanngitsoq. Apersorneaqartunit marluk oqaatigisimavaat, suliffeqarfimminni kattuffimminniluunniit allassimasoqarlunilu sulisoqarnermut politikkerineqartoq, inuit innarluutillit immikkut eqqarsaatigineqartarnissaat.

Ilinniagaqartannginnerat

- Aamma inuit innarluutillit nalinginnaasumik appasinnerusumik ilinniagaqartarlutillu suliffeqarfinnut atassuteqannginnerusarput. Tamatumattaaq saniatigut inuit innaluutillit ilinniagaqarnissamut suliffeqarnissamullu atatillugu qanoq pisinnaasaqartigisarnerat qanorlu pisinnaasaqanngitsigisarnerat innutaasunit erseqqissumik oqaatigineqartarpoq, pingaarnertut inerniliussami taamatut allassimasoqarpoq.

- Tamanna aporfiliisarpoq, suliffeqarfinni eqaannerusumik ingerlatsisoqalersinniarlugu aporfiusartoq atorunnaarsinneqartariaqarpoq.

Tiliumit ilaatigut innersuussutigineqarpoq, ilinniartoqarfiit inunnik innarluutlinnik qaaqqusisarnermikkut pitsaanerusumik peqataatitsilernissaat.

Suliffeqarfiit kaammattorneqarput, inunnik innarluutilinnik atorfinitsitsinerminnut atatillugu pitsaanerusunik oqaluttuartarnissamut, tassani aamma suliffinnik inuttassarsiussinermi qanorluunniit atugaqaraluartut qinnuteqarnissaannik erseqqissaasoqarsinnaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER