Skip to main content

Misissuisartut nalunaarusiaasa naammassineqarnissaa Air Greenlandimit utaqqimaarneqarpoq

Timmisartunik ajutoortoqarsimaneranut misissuisartut nalunaarusiaat saqqummiunneqareerpat aatsaat isornartunik Air Greenlandip pisortaanera Michael Højgaard apersorneqarsinnaassaaq. Mittarfeqarfinnik isornartorsiuisoqareeraluarsoq maannakkut nersualaarneqarput

Air Greenlandip timmisartua Dash 8-p Nuummi juullikkunni ajutoornera pillugu timmisartuutileqatigiiffimmi pisortaaneq Michael Højgaard annertunerusumik oqaaseqarsinnaanngikkallarpoq. Timmisartunik ajutoortoqarsimatillugu misissuisartut nalunaarusiaata saqqummiunneqarnissaa utaqqimaarneqarpoq. 

Timmisartumi ajoqquteqalaartoqarsimanerata pissutigisaanik timmisartoq ajutoorsimasoq nalunaarusiaagallartumi atuarneqarsinnaavoq. 

Politiinit nalunaarutigineqarpoq timmisartup mereernerani aatsaat saraassimasoq, kisianni tamanna eqqunngilaq. Timmisartoq nunamut toriartoq ingerlannaaq saraassimasoq misissuinerup takutippaa. 

Mittarfeqarfiit nersualaarneqarpoq
Sermitsiaq.AG Air Greenlandip pisortaaneranut isornartunik apersuiniaraluarpoq. Ilaatigut paaserusunneqaraluarpoq sooq Air Greenlandip Mittarfeqarfinnik isornartorsiuisimanersoq timmisartup ajutooriitsiarnerata kingorna. 

- Ajutoortoqarsimatillugu misissuisoqaraangat timmisartumi aquttut oqaaseqarneq ajorput. Ajutoortoqarnera annertunngitsuusoq oqaatigisariaqarpoq. Ilaasummi pisoq maluginngingajappaat, Michael Højgaard Sermitsiaq.AG-mut oqarpoq. 

- Mittarfeqarfiit sooruna pisuutiaarpisigit?

- Mittarfiup quasannerujussua annertuallaartumik isiginiaqqaarsimagipput oqaatigisinnaavara. Tamanna Mittarfeqarfinnut utoqqatsissutigisareerparput. Suleqatigiinnerput suli pitsassuuvoq. Suliami Mittarfeqarfiit akuulluarnerat nersualaarparput. Pisoq tamatsinnit paasineqarnissaa sulissutigineqartoq malugisinnaavara, Michael Højgaard oqarpoq. 

Akissuteqarnissani neriorsuutigaa
- Timmisartup uninnissaanut missingersuutitigut kukkusoqarsimanera suli attappisiuk imaluunniit timmisartup ajoqquteqarsimanera ajutoortoqarneranut pissutaatippisiuk?

- Tamanna oqaaseqarfigisinnaanngilara, Michael Højgaard oqarpoq. Timmisartunut ajutoorsimasunut misissuisartut nalunaarusiaagallartoq aamma oqaaseqarfigisinnaanngikkallarpaa. 

- Nalunaarusiaagallartuinnaavoq. Nalunaarusiaq naammassilluni saqqummiunneqarumaarpoq qaammatini tulliuttuni. Uagut aamma nammineq misissuinigut ingerlappagut suli. Nalunaarusiaq naammasseriarpat pisoq annertunerusumik oqaaseqarfigisinnaassavara, Air Greenlandip pisortaanera oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER