Misissuisarfik Inussivimmut nuunneqassaaq
Nuummi misissuisarfik illoqarfiup qeqqani marlunngornermi naggataamik illoqarfiup qeqqani misissuisassaaq. Misissortikkiartortussat pingasunngorpamiit Inussiviliartalissapput.
Nummiut misissortikkiartortillutik nillertillugu anorlertillugulu silami utaqqisarunnaassapput.
Nuummi coronamut misissuisarfik ukioq ataasingajalluinnaq illoqarfiup qeqqaneereersorlu, illoqarfiup qeqqaniit allamut nuunneqartussanngorpoq. Pingasunngorneq 20. oktober aallarnerfigalugu misissortikkiartortut Inussiviliartalissapput.
Nunatta Nakorsaaneqarfia tusagassiorfinnut taama nalunaaruteqarpoq.
Misissortikkiartortut amerlalluinnaraangata tunuleriiaattut amerlalluinnartarneri takuneqartarput. Inuiaqatigiinni tunillaassuuttoqarnerutillugu misissuisarfik ullormut 600-nik ilaanni misissugaqartarpoq.
Innuttaasulli maanna misissortinnissaminnut illup iluani utaqqisinnaanngussapput.
- Illoqarfiit pingaarnersaanni tunillaassuuttoqartillugu Nuummi misissuisarfiup silataani misissortinniarlutik utaqqisut piffissap ilaani amerlalluinnartarput. Silami utaqqisarneq pinngitsoortinniarlugu misissuisarfik Inussivimmut nuunneqarpoq. Misissortikkiartortussallu illup iluani utaqqisinnaanissaannut inissaqarnerusumiilissaaq, ilisimatitsissutigineqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...