Misissuinermi alla tunillatsissimasoq paasineqartoq
Munck-gruppip najugaqarfianiittoq inuk alla coronavirusimik tunillatsissimasoq sisamanngormat paasineqarpoq.
Annonse
Sisamanngormat coronamik tunillatsissimasumik aallamik Nuummi paasisaqartoqarpoq.
Nunatsinni Nakorsaanerup ilisimatitsissutigaa, Munck-gruppimi sulisoq timmisartoqarfiup eqqaani najugaqartoq pineqartoq, pineqartorlu mattusimareersoq.
Timmisartoqarfimmi sulisut najugaqarfianni suliffimmilu mattusimasut tamarmik sisamanngormat misissorneqarmata tunillatsittoqarsimasoq paasineqarpoq.
Nunatsinni Nakorsaaneq ilisimatitsivoq, pineqartoq inimi tallimanngormat kingullermi tunillatsissimasutut paasineqartumik najugaqateqartoq. Taamaammat pineqartoq mattusimareersoq.
Sisamanngormat misissuisoqarnerani Kalaallit Nunaanni Covid-19-imik maannamut tunillatsissimasut amerlanerpaajusut tunillaassuinngillat, nunatta nakorsaanera oqarpoq.