Misissuineq: Sullorsuaq imaluunniit qaqqap killingatigut aqqusineq
Nuuk City Development A/S (NCD) misissuinermik annertuumik ingerlataqarpoq, illoqarfiup pingaarnersaata kommunia Siorsarsiorfiup tungaanut sullorsualiussanersoq imaluunniit qaqqap killingatigut aqquserniussanersoq, aalajangerneqarnissaanut tunngaviliisussamik.
NCD illoqarfiup pingaarnersaata ineriartortinneqarnera amikutut illuni ulapputigaa.
Illoqarfiup immikkoortussaanut nutaamut siorarsiorfimmut aqqusinermut aaqqiissutissaq sorleq pitsaanerussanersoq maanna misissuiffigineqaleruttortoq, pisortaq Jens B. Frederiksen Sermitsiaq.AG-mut ilisimatitsivoq.
Pissutit arlallit
- Ilaatigut geologii misissuleruttorparput. Pissutsit arlallit, soorlu isumannaallisaaneq qaqqap killingatigut aqqusiniussanersoq imaluunniit sullorsuaassanersoq aalajangeeqataassapput, pisortaq Jens B. Frederiksen ilisimatitsivoq.
Misissuinerup inernera kommunip qaqugu pissarsiarissaneraa taassuma eqqoriarsinnaanngilaa. Aaqqiissut sorleq toqqarneqassanersoq naggataagut kommunalbestyrelsip aalajangertussaavaa.
Suliniuterpassuit allat ingerlapput. Illoqarfiup qeqqani atuarfissap nutaap sanaartugassanik suliarinnittartunut marlunnut neqeroorusiorfissanngussallugu aalajangiuteqqammerpaa.
Sissaq atuarlugu aqqut sanaartorneqartoq
- Aamma siammasissumik paaqqinnittarfiit aamma inissiat piareersarnerat suliaraarput. Sissaq atuarlugu aqqut sanaartorneqalereerpoq, aammalu sanaartorfigiuminarsaanernik amerlasuunik kommuni sullipparput, Jens B. Frederiksen ilisimatitsivoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...