Nunatsinnit qimaaneq
Misissuineq: Oqaatsit pillugit oqallinnerup inuusuttut Danmarkimut unitsittarpai
Kikkut imminnut kalaalivittut taasinnaanersut pillugit aporaannerit pissutigalugit, inuusuttut ilinniarnertik naammassigaangamikku angerlarneq ajornerannik kinguneqartarpoq. KNR naapertorlugu nalunaarusiaq nutaaq taama isummerpoq.
Annonce
Inuusuttut ilinniariarlutik Danmarkimukartartut 60 procentiinnaat Nunatsinnut utertarnerannut suna pissutaanersoq Namminersorlutik Oqartussanit qulaajarniarneqarpoq.
Kikkut kalaaliviunerannik aporaannerit pissutigalugit, inuit nunami tikilluaqqusaanngitsutut misigisarput, nalunaarusiaq Naalakkersuisunit aamma Inatsisartunit 2015-imi suliakkiunneqarsimasoq taama isummerpoq.
Inatsisartunut ilaasortanut taanna suli agguaanneqanngilaq, kisianni nalunaarusiamut missingiussaq KNR-ip pissarsiarisimavaa.
Nalunaarusiaq naapertorlugu ammip qalipaataa kalaallisullu oqalussinnaaneq kalaaliussutsimut apeqqutaatinneqartarput. Tassalu kalaallisut oqalussinnaanngitsut avataaniittutut kalaaliviunngitsutullu misigisimasarput, KNR allappoq.