Skip to main content

Misissuineq nutaaq: Kalaallit imigassaq saperaat asuli oqariartaasiinnaavoq

Ilumuunngilaq oqartoqartarmat kalaallit qallunaanit imigassaq sapernerugaat. Kalaallit qallunaallu tamarmik sapinngilaat - imaluunniit sapeqatigiippaat

Oqartoqartarnera kalaallit timiminni sananeqaatimikkut sunniuteqartumik imigassaq saperaat, qallunaat misissuineranni nutaami maanna ilumuunnginnerarneqarpoq.

- Siusinnerusukkut isumaqartoqarnikuuvoq kalaallit timimikkut sananeqaatiminni imigassamut arrortitsisarnermut tunngatillugu timiminni sananeqaataat Kangiamut sananeqaataannut assigusoq, kalaallit Siberiamiunit kingoqqusuummata, Statens Institut for Folkesundhedimi misissuisuni pisortaq, Janne Schurmann Tolstrup oqarpoq.

- Kangiamiut timimikkut sananeqaatiminni imerulunnissamut unitsitsisartumik sananeqaateqarput, taamaalillutik imerpallaannginnissaannut imerajuttunngornissaannulluunniit pinaveersaartitsisartumik.

Sananeqaatinik misissueqqissaarneq siullerpaaq
Kalaallit imigassamut arrortitsisarnerannut timiminni sananeqaataat aatsaat siullermeerluni misissuiffigeqqissaarneqarpoq. Misissuinerullu takutissimavaa kalaallit imigassamut arrortitsisarnermut timiminni sananeqaataat qallunaat europamiullu sananeqataannut assigusoq.

- Uagut misissuinitta takutippaa kalaallit imigassamut arrortitsisarnermut sananeqaataat Kangiamut sananeqataannut assigunngitsoq. Taamaattorli qallunaat europamiullu sananeqataannut assigulluinnartoq, Janne Schurmann Tolstrup tusagassiuutinut nalunaaruteqarluni allappoq.

Imigassaq europamiusut sapinngilaat
Misissuinerit takutippaat kalaallit qallunaat europamiullu assigalugit imigassaq sapinngikkaat, kalaallillu immikkut timiminni sananeqaateqanngitsut taakkunannga ajornerusumik imigassamik arrortitsinissaannut.

Imigassap sapinnginnissaanut imaluunniit arrortinnissaanut piginnaasaq timimi sananeqaatinit aallaaveqarpoq. Timikkut sananeqaatip taassuma aamma imigassamik annertuumik atuisuusinnaaneq imaluunniit atornerluisuusinnaaneq tunngavilertarpaa. Kisianni qallunaat kalaallillu amerlanerit timimikkut sananeqaateqarput imigassamut atornerluisuunissamut illersuisuunngitsumik.

Taamaattorli Kangiamiut timimikkut sananeqaateqarput, immaqa soorlu antabusitut nalilerneqarsinnaasumik.

Statens Institut for Folkesundhedimi ilisimatuut misissuisut kalaallit imigassamut arrortitsisarnermut timiminni sananeqaataannik misissueqqissaartuusimapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER