Skip to main content

Misissuineq: Mittarfiit nutaat inuiaqatigiinnut aningaasanik sipaaruteqartitsissapput

Inuiaqatigiit aningaasaqarnerannut misissueqqissaarnerit killiffiata takutippaa, missingersuutini aningaasaqarneq aallaavigalugu isigissagaanni, maannakkut imarpik qulaallugu angallaseriaatsip atuutsiinnarneqarnissaanit, Ilulissani aamma Nuummi imarpik qulaallugu mittarfiliornissaq akikinnerusussaasoq.

Inatsisissamut siunnersuummut nutaamut nassuiaatini tamanna atuarneqarsinnaavoq, taanna attaveqaqatigiinnermut naalakkersuisup Erik Jensenip ataasinngornermi tusarniaatigalugu nassiuppaa. Deloittep misissueqqissaarneq Namminersorlutik Oqartussanut suliarisimavaa.

Sanilliussineq
Inuiaqatigiit aningaasaqarneranni misissueqqissaarnermi maannakkut imarpik qulaallugu angallasseriaatsip siunissami imarpik qulaallugu angallasseriaatsimik pilersitsinissamut sanilliunneqarnera aallaavigineqarpoq.

Maannamut inerniliussaagallartut takutippaat periarfissatut ilusiliaq tunngaviusoq maannakkut naliusumi 956 millionit koruuninik akeqassasoq, periarfissatut ilusiliaq alla maannakkut naliusumi 791 millionit koruuninik akeqassalluni.

Misissueqqissaarnerup immikkoortuani siullermi missingersuutitigut sunniisussatut naatsorsuutigineqartut suli misissueqqissaarnerup inernerigallagaanni ilaatinneqanngitsut, arlalinnik sunniuteqartussaasut oqaatigineqarpoq. ''Taakkua assersuutigalugu tassaapput nunap karsiata isertitassai, sipaarutissat, annertusititsillutik sunniisussat aammalu kiffartuussinissamut isumaqatigiissutinut tunngatillugu sunniutissat.''

Allanngortitsiviunngitsut
- Allatut oqaatigalugu misissueqqissaarnerup maannamuugallartoq ilusiligaanera allanngortitsiviunngitsumik aallaaveqarpoq, tassami aningaasaliinernut aningaasartuutit arlallit misissueqqissaarnermi ilanngunneqarput, pissarsiassatut naatsorsuutigineqartut aningaasaliinernut tunngassuteqartut, assersuutigalugu nunap karsiani isertitat imaluunniit sipaarutissat, killiffimmi tassani ilanngunneqaratik, inatsimmut nassuiaatini allaqqavoq, tassani Kalaallit Airportsip Ilulissani, Nuummi aamma Qaqortumi sanaartornissaanut, aningaasaliinissaanut aamma ingerlatsinissaanut sinaakkutik aamma tunngaviit qitiusut aalajangersarneqarput.

Inuiaqatigiit aningaasaqarneranni misissueqqissaarnerup kisimiinnginnissaa pilersaarutaavoq. Mittarfiliassat sanaartorneqarnissaat tamakkiisoq sammillugu inuiaqatigiit aningaasaqarnerannut sunniutaasussanik nalilersuinermik itisiliinerusumik ilassuserneqassaaq.

Allanik misissueqqissaartoqassasoq
- Inuiaqatigiit aningaasaqarneranni sunniutaasussanik nalilersuineq tamatuma kingorna immikkuullarissunik misissueqqissaarnernik arlalinnik ilassuserneqassaaq, tassani ilaatinneqarsinnaallutik assersuutigalugu kommuninut toqqartukkanut akiliisinnaassuseqarnikkut sunniinerit, Air Greenlandip sunnerneqarnera, akileraarutitigut isertitassanut tunngavissat sunnerneqarneri, tassunga ilanngutissaaq Namminersorlutik Oqartussat 2,0 mia. koruunit tikillugit, avataaniit aningaasalersuinerup piviusunngortitsisinnaanissamut pissarsiarissallugu pisariaqartitaata, annertussusaanut naapertuuttumik qularnaveeqqusiinissaat aamma oqaatigineqarpoq.

Allaaserisat aamma inatsisissamut siunnersuummut tunngasut uku atuakkit:

Namminersorlutik Oqartussat Qaqortumi mittarfik namminneq aningaasalertariaqarpaat

Mittarfiit suli akisunerulersinnaapput

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER