bankini misissuineq
Misissuineq: Grønlandsbanken ingerlalluartutut nalilerneqartoq
Naalagaaffeqatigiinnermi bankit sorliit ingerlalluartuunersut takuneqarsinnaapput
Nunatsinni bankit annersaat Grønlandsbanken naalagaaffeqatigiit iluani aarlerinannginnerpaat aappaattut toqqarneqarpoq.
Ullut tamaasa aviisi saqqummersartoq Børsen bankinik nalilersuisimanerit sisamanngornermi saqqummiuppai.
Suliffeqarfik Niro Invest misissuisuuvoq, tassani bankit qanoq inissisimaneri misissorlugit.
Bankit 75-it misissorneqartuni BankNordik qeqqani inissisimavoq, bankini aarlerinanngitsuni 35-attut inissilluni.
Aarlerinannginnerpaatut toqqarneqarpoq Langå Sparekasse, Københavns Andelskasse naqqarlerpiaani inissilluni, tassa aarlerinarnersaalluni.
Ukioq kingulleq assinganik misissuinermi Grønlandsbanken qulingiluaattut, BankNordik 36-attut toqqaneqarput.
Ukioq manna misissuinermi paasineqarpoq bankit qulingiluat matusaanissamut qanittuataasut imaluunniit ajornartorsiulernissaat qanittuaraasoq.