Misissuineq akisooq
Naalakkersuisunut ilaasortaasimasup amerlasuunik misissuinermut aningaasartuutit kisippai, inerneralu amerlanerit tupaallaatigissagunarpaat. Akerlianillu misissuinerit tuniluunnerit kigaallatsinnissaannut sakkuupput.
Politikerit sapaatip-akunnerata aappassaani Nuummi Ukiakkut Ataatsimiinnerminni inuiaqatigiinni ajornartorsiutinik annertuunik annikitsunillu suliaqariniarsarineranni, covid-19-ip nunarsuaq tamakkerlugu tuniluunnera inuiaqatigiinni nikerartumik sakkortussuseqarluni Inatsisartut ataatsimiittarfiata silataani takkuttarpoq.
Aviisi AG taama allappoq.
Toqqaannartumik – imaluunniit annikitsumik oqaatigineqartarluni – nappaat oqallinnermi oqaluuserineqartarpoq. Assersuutigalugu qanittukkut peqqinnissaqarfimmut akisussaasut qullersarisimasaat, Demokraatineersoq Anna Wangenheim, ataatsimiittarfimmi apeqqummik soqutiginartumik iluamik maluginiarneqarsimanngitsumik qaqitsivoq.
Tassa napparsimasut paasiniarlugit tuniluunnerlu unitsinniarlugu misissuinerpassuit qanoq akeqarnersut. Sammisap allarluinnaap, nakorsiartut kukkusumik nakorsarneqarnerup kingorna taarsiivigineqarnissamut periarfissaat oqaluuserineqarnerani sammisaq eqqaaneqarpoq.
Wangenheimip oqarnera naapertorlugu, peqqinnissaqarfimmi sakkortuumik tatisimaneqartumi aningaasat qanoq tulleriiaarneqartuarnissaat pisariaqarpoq.
- Assersuutigalugu naak innuttaasut affaat sinnerlugit coronamut akiuussuserneqareeraluartut, innuttaasut amerlasuut mianersorniarnerput pissutigalugu misissoraangatsigit. Misissuineq ataaseq 1.000 koruunit sinnerlugit akeqalersinnaasoq, taanna oqaluttarfimmit oqarpoq.
Aviisimi AG-mi atuarnerusinnaavutit: