Skip to main content

Misissueqqissaarneq: Sulisussanik amigaateqartoqangaatsiarneq

Sulisitsisut Kalaallit Nunaanni suliffeqarfiit sulisussanik amigaateqarnerat qulaajaaffigisimavaat, misissuinerullu takutippaa ilinniagalinnik ilinniagaqanngitsunillu suli sulisussaaleqisoqangaatsiartoq.

Sulisussatut amigaatigineqartut 568-inut naatsorsorneqarsimapput, Sulisitsisut 2020-mi misissuisimanerisa tamanna takutippaa.

2018-imi misissuisimanermut sanilliullugu ikinnerupput, taamanikkut sulisussatut amigaatigineqartut 977-iusimallutik. Sulisinnaasumik amigaateqarnermut Covi-19-ip atuunneraa "pissutaasorineqarpoq", misissueqqissaarsimanermi taamatut inerniliisoqarsimavoq.

Pisariaqartitsineq annertunerulersimasoq

- Sulisussatut amigaatigineqartut sulisinnaasut tamarmiusut 2-3 procentiinik amerlassuseqarput. Pingaartumik sanasut amigaataapput, aammali kiffartuussisarnerup assartuisarnerullu iluini kiisalu akunnittarfinni, takornariartitsinermi neriniartarfinnilu sulisinnaasunik amigaateqartoqangaatsiarluni, Sulisitsisut tusagassiorfinnut nalunaaruteqarnerminni ilisimatitsipput.

Pingaartumik suliffeqarfiit marluk – ”Kiffartuussiviit aamma Assasrtuisartut” kiisalu ”Sanasut” – 2018-imi misissuisimanermut sanilliullugu 2020-mi sulisussaaleqiffiunerpaasimapput.

Amigaatigineqartut taamak amerlatiginerisa kingunerisaanik sulisussanik pisariaqartitsinerulertoqarsinnaavoq.

- Suliffeqarfinni arlalinni sulisut patajaannginnerat malugineqartarpoq, tamatuma kinguneranik sulisut aalajangersimasumik amerlassusisseqartussaagaluartut, atorfimmi ataatsimi inuit amerlanerit atorfeqartinneqartarnissaat pisariaqalertarpoq, tassani inuit atorfimminni sivisunerusumik sulisannginnerat pissutaavoq. Taamatut inissisimasoqartarnerani - pingaartumik ilinniarsimasunut - atorfiit inuttalerneqarsinnaasanngillat, misissueqqissaarsimanermi tamanna takuneqarsinnaavoq.

Ujartorneqartut

Pingaartumik immikkoortut marluk ujartorneqarput.

- Suliffeqarfiit kalaallinik ilinniarluarnerusimasunik sulisoqartarnissaminnik kiisalu nunanit allaneersunik sulisussarsiornermi eqaannerusumik ingerlatsisoqartarnissaanik ujartuipput, Sulisitsisut allapput.

Ilinniartunik atuartunillu piginnaasaqarluartunik sulisussarsiortarneq pineqartillugu, inuusuttut oqaatsitigut piginnaasaqarpallaanngitsut suliassamillu ilisimasaqarpallaanngitsut sulisorineqartarnerat suliffeqarfiit unammillernartittarpaat. Misissueqqissaarnermi aamma oqaatigineqarpoq, inuusuttut suliffeqarfinni ilinniarnerminnik ingerlatsinissamut kajumissuseqartikkuminaattut.

- Aamma suliffeqarfiit sumiiffinni suliassaqarpallaartanngitsut ilinniartunik atorfinitsisiniartarnermik ajornartorsiuteqartarput, suliffeqaffiit suliassaqartannginnerat pissutigalugu, sulisitsisut kattuffiannit oqaatigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER