Skip to main content

Misissueqqissaarneq: Nunap immikkoortuini mittarfiit asfaltigaanngitsut atorneqarsinnaanngillat

Nunap immikkoortuini mittarfiit pillugit Naalakkersuisuni ilimagineqarsimasut pilersaarutillu siulliit, nunatsinni "ilaasunik angallassinissamut atorneqarsinnaanngitsut". Misissueqqissaarneq Naalakkersuisut saqqummiussaat taama naliliivoq.

Nunap immikkoortuini mittarfiit asfaltilersugaanngitsut 650 miiterisut takitigisut sanaartorneqarnissaannut sinnattuusimasinnaasut tamarmik sequmilluinnarput. Nunap immikkoortortaanni mittarfissanut aningaasaliissutaasinnaasut pillugit nassuiaammi atuarneqarsinnaavoq:

- Misissueqqissaarnerit inernerisa takutippaat, ilimagineqarsimasut naatsorsuutigineqarsimasullu ilaat ajoraluartumik allarluinnaasut:

- Misissueqqissaarnerit suliarineqarnerinut atatillugu paasinarsivoq, asfaltigaanatik mittarfiit 650 meterinik takitigisut ilaasunik angallassinissamut atorneqarsinnaanngitsut, allassimavoq.

Taamaattumik Inatsisartut suliamik suliarinninnerini Sanaartornermut Ataatsimiititaliap kissaataa siunertailu naammassiumallugit, mittarfiit 799 meterinik takitigisut misissoqqissaagassatut aamma ilanngunneqarput.

Aningaasartuutit annikillisarniarneqarput

Misissueqqissaarneq suliarineqarpoq Naalakkersuisunut nunatsinni assartuussinermi ataatsimut aningaasartuutit annikillisinnissaat aamma timmisartuussisarnerup akulikillinissaa siunertaralugit, pilersaarusioqqullugit Inatsisartut peqqusereernerisa kingorna.

Nassuiaatip innersuussutigaa Tasiilaq aamma Ittoqqortoormiit mittarfeqalissasut, taakku siunertarineqartut "assartuussinermi ataatsimut akissaajaatit annikillisinnissaat, timmisartuussisarnerup akulikillinissaa aamma unammilleqatigiinnerup annertusisinnaanera" pillugu naammassinnimmata.

Misissueqqissaarnermi illoqarfiit uku ilaapput:

  • Qeqertarsuaq, Qasigiannguit, Kangaatsiaq
  • Narsaq aamma Nanortalik
  • Uummannaq
  • Ittoqqortoormiit
  • Tasiilaq

Mittarfiliornissalli ingerlannagit, illoqarfinni minnerusuni misissorneqartut amerlanerpaat heliporteqassasut innersuussutigineqarpoq:

analysekompleks vedrørende regionale landingsbaner

Illoqarfinni arfinilinni heliport innersuussutigineqarpoq

Illoqarfinni arfiniliusuni mittarfinnik sanaartortoqarnissaa naatsorsuutigineqarsinnaagunanngilaq, innersuussutit politikerinit malinneqassappata:

- Qeqertarsuarmi, Qasigiannguani, Kangaatsiami, Narsami Nanortalimmilu mittarfissanut tunngatillugu inuiaqatigiit aningaasaqarnerisa misissoqqissaarneqarnerisa takutippaat, taakku innersuussutigineqarsinnaanngitsut. Tassani taarsiullugu innersuussutigineqarpoq, nutaaliaanerusunik, pitsaanerusunik, atortorissaarnerusunillu qulimiguulinnik pissarsinikkut qulimiguulinnik timmisartuussisarneq attatiinnarneqassasoq, inerniliunneqarpoq.

Uummannaq eqqarsaatigissagaanni, silaannakkut angallannermi periarfissanik allanngortitsinissaq periarfissaanngilluinnarpoq. Qeqertap qeqqani qaqqamit 1200 meterinik portutigisumit anoraasuaneq silaannaallu aalarulunnera, isumannaallisaaneq eqqarsaatigalugu mikkiartornissanut nalorninartorsiortitsisinnaapput.

Nunap immikkoortortaanni mittarfissanut Naalakkersuisut aalajangiiffigisassatut siunnersuutaanut, misissueqqissaarneq tunngaviussaaq. Aalajangiiffigisassatut siunnersuut Naalakkersuisunit Inatsisartunut ukiakkut ataatsimiinnermi saqqummiunneqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER