Skip to main content

Misissueqqissaarneq utaqqimaarneqartoq: Immiaaqqat sodavandillu assigiinngitsumik pooqartillugit tuniniarneqarsinnaasariaqarput

Naalakkersuisut puukunik utertitsisarnermik aaqqissuussaq aaqqissuuteqqikkusuppaat, siunertamulli naapertuunnerpaamik tamatuma qanoq ingerlanneqarsinnaaneranik nalilersuineq utaqqimaarlugu.

Innuttaasut immiaaqqanik Heinekeninik qillertuusamik puulinnik imaluunniit sodavandinik to liiteriusunik pisiaqarsinnaalissappat?

2012-imi nalunaarusiami puukunik utertitsisarnermik aaqqissuussaq aaqqissuuteqqinneqartuuppat atuisut immiaaqqanik sodavandinillu akikinnerusunik pisiaqarsinnaalissasut allaaserineqarmalli Naalakkersuisuusartut assigiinngitsut tamanna oqallisigisarsimavaat.

Puukunik utertitsisarnermi aaqqissuussaq nutarterneqarsimanngilaq, tamannalu piffissanngortoq, Demokraatini siulittaasoq Jens-Frederik Nielsen isumaqarpoq:

- Isumaqarpunga niuerneq killilersorneqanngitsoq sukkanerpaamik pilersinnissaa eqqortuusoq, taamaasilluni Kalaallit atuisut immiaaqqat sodavandillu toqqagassaat amerlanerusut periarfissagilerlugit. Taamatuttaarlumi ullumikkormit akikinnerulertussanik, taanna Naalakkersuisunut taamatut allassimavoq.

Naalakkersuisup Kalistat Lundip akissuteqarluni ilisimatitsissutigaa, puukunik utertitsisarnermik aaqqissuusseqqinnissaq anguniagaasoq:

Misissueqqissaarneq ukior manna naammassineqassangatinneqartoq

- Naalakkersuisut puukunik utertitsisamermik aaqqissuusseqqinnissaq, taamaalillunilu immiaaqqanik sodavandinillu assigiinngitsunik, ullumikkomit amerlanerusunik tuniniaasoq arsinnaalemissaa anguniameqarpoq, naalakkersuisoq Kalistat Lund Jens-Frederik Nielsenimut allappoq.

Naalakkersuisoq naapertorlugu, misissueqqissaarnermi nuna tamakkerlugu puukunik utertitsisarnermi aaqqissuussassatut nutaatut pilersaarummik saqqummiussisoqassaaq - misissueqqissaarneq Esanimit Avatangiisinut Aningaasaateqarfik aningaasaliisoralugu ingerlanneqarsimavoq. 

Misissueqqissaarnerup ukioq manna naammassinissaa naatsorsuutigineqarpoq, puukunillu utertitsisamermik nutaamik toqqaanermi aningaasaqamikkut avatangiisillu eqqarsaatigalugit piujuartitsiviusumik toqqaanissaq pingaartinneqartoq oqaatigineqarpoq.

Akissuteqaataalu naapertorlugu, nalunaarusiaq ukiut qulit matuma siornatigut saqqummiunneqartoq Naalakkersuisunit iliuuseqarfigineqarniarpoq. Nalunaarusiamimi inernerniliunneqarsimasut isumaqatigineqarmata:

Nalunaarusiaq: Niuerfimmi unammilleqatigiittoqarpianngitsoq

- Utertitsisamermik pisariillisaaneq atuisunut immiaaqqanik sodavandinillu akikinnerulersitsisinnaasoq Naalakkersuisut isumaqataapput.

2012-imi nalunaarusiaq Copenhagen Economics-imit suliarineqarsimavoq, nalunaarusiamilu inerniliunneqarsimalluni suliaqartut, puukunik utertitsisarnermik aaqqissuussap akitsuusiisarnermillu aaqqissuussap imminnut ataqatigiinnerisa Nuuk Imiup Kitaani immiaaqqanik sodavandinillu niueruteqartarneranut unammillersinnaaneq akornusertaraat. Puukunik utertitsisarnermik aaqqissuussaq Avannaarsuarni Tunumilu atuutsinneqanngilaq.

Nuuk Imiup naatsorsuutai misissuataaraanni takuneqarsinnaavoq, taamatut aaqqissuussisoqarsimanera ingerlatseqatigiiffimmut suli immikkut iluanaarutaalluartartoq. 2021-mi 56,5 millioner koruuninik sinneqartooruteqarsimavoq, 218,8 millioner koruuninillu kaaviiaartitaqarsimalluni. 56 millioner koruunit piginnittunut, tassa Kommuneqarfik Sermersuumut, Royal Unibrewimut Carlsbergimullu tunniunneqarsimapput.

Nuuk Imeq: Avatangiisinut iluaqutaalluartoq

Ingerlatseqatigiiffik 44-nik sulisoqarpoq, ukiumoortumillu naatsorsuutini allassimallugu, puukunik utertitsisarnermi allannguiniarluni suliaqartoqarnera Nuuk Imermut siunissami atugassarititaasussat pillugit nalorninartorsiortitsisoqalersimasoq.

Nuuk Imermit erseqqissaassutigineqarpoq, puukunik utertitsisarnermik maanna aaqqissuussaq avatangiisinut iluaqutaalluartuusoq:

- Puukunik utertitsisarnermik aaqqissuussaq qularnaveeqqutitalik ukiut ingerlaneranni avatangiisinut pitsaasumik sunniuteqarsimavoq, aaqqissuussarmi malillugu atuisut pisiniarfiillu puukunik utertitsisarnissamut kajumissuseqarluarsimapput. 2021-mi puukut 98,2 procentii utertinneqarsimasut, Nuuk Imeq ukiumoortumik naatsorsuutimini allappoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER