Misiliineq iluatsilluartoq: Sulinerup nalaani pujortaqqusinnginneq
2017-imi aasakkut aalajangerneqarpoq peqqinnissaqarfimmi sulisut sulinerup nalaani pujortoqqusaajunnaassasut. Tamannali qanoq ingerlasimava? Misissuineq isumallualersitsivoq.
Sulinerup nalaani pujortaqqusinnginneq pujortartut ikinnerulersinneqarnissaat eqqarsaatigalugu isumassarsiatsialaasimagunarpoq. Tamanna misissuinermi nutaami ilimanarsisinneqarpoq, aviisi AG allappoq.
Naalagaaffiup innuttaasut peqqissuunissaat pillugu ilisimatusarfia, Statens Institut for Folkesundhed (SDU), Peqqissutsimut Naalakkersuisoqarfiup kissaateqarneratigut Kalaallit Nunaanni pujortarunnaarnissamut neqeroorutit qanoq siammarsimatiginerannik misissuisimasoq, ilisimatusartullu misissuinerminnut atatillugu Aasianni pisumik iluatsilluartumik naammattuugaqarsimallutik.
Tassani pujortaqqusinneq sunniuteqarluarsimasutut paasinarsivoq.
Sulinerup nalaani pujortaqqusinnginneq
- Qulaajaanitsinni takutinneqarpoq, Aasianni nunap immikkoortuata napparsimmaviani sulinerup nalaani pujortaqqusinnginnermik atuutilersitsineq innuttaasut ilarpassuini pujortarunnaarnermik atuinerullu annikillisinneqarnissaanik periarfissiisimasoq, tassalu napparsimmavimmi sulisuni, nalunaarusiami ilisiamtusartut paasissutissiipput.
Kalaallit Nunaanni innuttaasut peqqissusaannik misissuisoqarfimmi Center for Folkesundhed i Grønlandimi ilisimatusartuuneq aqutsisorlu, Christina Viskum Lytken Larsen, misissuinermik suliarinneqataasimavoq.
- Paasisarput isumalluarnarpoq. Tassuuna takutinneqarpoq aallartiffissatut pitsaasuusoq – sulinerup nalaani pujortaqqusinnginneq, AG-mut oqarpoq.
Allaaserineqartoq aviisimi AG-mi, aqagu pingasunngornermi saqqummersussami, tamakkiisumik atuarneqarsinnaavoq. Aviisi uani pisiarineqarsinnaalereerpoq: