Misigisassarsiorlutik angalasartunut pilerisaarinerujussuaq
Kalaallit aatsaat taamak amerlatigisut misigisassarsiorlutik takornariartartut pillugit nunarsuarmi saqqummersitsinerit annersaannut peqataapput
Septembarip 16-ianit 19-ianut Travel World Summit-imi Kalaallit Nunaata takorniariarfissatut tuniniarneqarnerani suliffeqarfiit 14-it peqataapput.
Misigisassarsiortitsinissamik pisiaqartartunut tuniniaasartunullu ukioq manna saqqummersitsinermi isumasioqatigiissitsinermilu suliffeqarfiit aatsaat taamak amerlatigisut peqataapput.
Suliffeqarfiit 14-it taakku tassaapput
Visit Greenland
Air Greenland
Two Ravens
Arctic Incoming/Hotel Sisimiut
Destination Arctic Circle
Greenland Fjord Tours
Greenland Travel
Sila Greenland
Tasermiut Camp
Colorful Nuuk
Visit South Greenland
Albatros Travel Greenland og Cruise.
Misigisassarsiortitsilluni takornariartitsisarneq nunarsuarmi sukkanerpaamik annertusiartortuuvoq, Visit Greenlandillu anguniagaraa tamatuma Kalaallit Nunaanni atugaanerulernissaa. Misigisassarsiorlutik angalasartut assigiinngittutigut timiminnik atuinissaq misigerusuttarpaat, aamma taakkuusarput kulturimik pinngortitamillu mianerinnittartut.
Aamma aningaasaqarneq eqqarsaatigalugu misigisassarsiortitsilluni angalatitsisarnissaq iluaqutaassaaq.
Misigisassarsiortitsarneq najukkami kaaviiaartitsisarnerup tamarmiusup 60%-ia angullugu isertitsitsissutaasarpoq, taamalu taamatut takornariartitsisarneq tassaavoq Kalaallit Nunaannut isaatitsinerpaasartoq.
Saqqummersitsinermi Visit Greenland Air Greenlandilu suleqatigiissimapput, Kalaallit Nunaannut tunngatillugu ataatsimoorlutik inimik atuinermikkut suliffeqarfiit peqataasut ersarinnerulersissimavaat, tuniniaasartut tusagassiortullu takornariartitsisartunik nunallu immikkoortuini attaveqaataasartunut saaffiginniffigisinnaasaat. Tamakkua saniatigut takornariartitsisartut tamarmik Marketplacemi attaveqaateqartinneqarput.