Skip to main content

MIO: Periusissiaq nutaaq ilaqutariinnut tunngavoq

Meeqqat pisinnaatitaaffii pillugit sullissiviup MIO-p ukiuni sisamani tulliuttuni ilaqutariit ukkatariniarpaat aamma kajumissuseqalersitsiniarlutik, tassanilu meeqqap toqqissisimaneranut aamma pisinnaatitaaffiinut akisussaaffimmik tassani tigusisoqassaaq.

Meeqqat pillugit Siunnersuisoqatigiit, Meeqqat Illersuisuat aamma MIO ataatsimoorlutik suliassaqarfiit assigiinngitsut eqqartorsimavaat suliarisimallugillu.

Meeqqat pillugit Siunnersuisoqatigiit katillugit arfineq-marlunnik ilaasortaqarput, tassanilu Meeqqat Illersuisuat siulittaasuuvoq. Meeqqat pillugit Siunnersuisoqatigiinni maanna ilaasortaapput, Meeqqat Illersuisuat Aviâja Egede Lynge, inatsisileritooq Morten Nornild, isumaginninnermi siunnersorti Sara Abelsen, terapeut aamma perorsaasoq Anda Poulsen, psykolog Conni Gregersen, pædiater (meeqqat nakorsaat) Inga Hjuler aamma ilinniartitsisoq William Kriegel.

Perisissatut pilersaarut nutaaq 2018-mit 2021-imut atuuttussaq MIO-mit akuerineqaqqammerpoq. Meeqqat toqqissisimallutik, ineriartorfiusumik aamma periarfissaqartumik naleqquttumik inuuneqarnissaat qulakkeerniarlugu MIO-p inersimasut sakkussanik tuninissaat pilersaarummi qitiusut ilagaat, sullissivoq tusagassiuutinut nalunaarummi ilisimatitsivoq.

Ilisimasanik ujartuisut

MIO-p nunatsinni angalasarnerminit meeqqat pisinnaatitaaffii qanoq piviusumik timitalerneqarnissaat pillugu ilisimasanik angajoqqaarpassuit inersimasullu allat ujartuisartut paasisimavaa.

Suliniuteqarfissat qulit

  • Ilaqutariit kajumissuseqarnissaat
  • Naalagaaffiit Peqatigiit Meeqqat pillugit Isumaqatigiissutaat naapertorlugu meeqqat pisinnaatitaaffiisa nukittorsarneqarnissaat pillugu oqartussaasunik suleqateqarneq oqaloqateqarnerlu
  • Meeqqanik inersimasunillu peqataatitsineq
  • Meeqqat ikiorneqarnissamik pisussaaffitsik pissagaat
  • Naammagittaalliornissaq pillugu meeqqat ilisimasaat
  • Aaqqissuussaanerit, kulturi inuiaqatigiillu aaqqissuussaanerat pillugit oqallinneq
  • Ulluunerani paaqqinnittarfiit ukkatarineqarnerat
  • Meeqqat Illersuisuata aamma Meeqqat pillugit Siunnersuisoqatigiit ingerlaavartumik oqaasertalersortagaat oqallinnermik pilersitsisarput
  • Kalaallit Nunaanni kikkut tamarmik Meeqqat pillugit Isumaqatigiissut meeqqallu pisinnaatitaaffii ilisimassagaat
  • Meeqqat inuusuttullu pillugit suliassaqarfiup iluani misissuinerit ilisimasani, oqallinnernik suliniutinillu pilersitsisarput

Meeqqat illersuisuat nuannaartoq

- Suliniuteqarfissat taakku pillugit sulinissara qilanaarisorujussuuara. Meeqqat inersimasullu inuunermi atugarisaat pillugit oqaloqateqartarnigut sammisaqartitsisarnigullu periusissiamut matumunnga annertuumik sunniuteqarput. Taamaattumik ukiuni aggersuni pingasuni periusissiaq manna aallaavigalugu sulinissarput qilanaarisorujussuuarput, meeqqat illersuisuat Aviâja Egede Lynge oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER