Skip to main content

MIO: Meeqqat angajoqqaamik sumiginnaanerat isertuuttarpaat

Kinguaassiuutitigut innarlerneqartarnerit, persuttarneqartarnerit sumiginnarneqartarnerillu Meeqqat pillugit isumaqatigiissutip atsiorneqarneranit ukiut 26-t qaangiutereeraluartut meeqqat amerlavallaartut suli ulluinnarsiutigisarpaat.

Ullumi ulloq tassaavoq meeqqat ulluat. Ukiummi 30-t matuma siorna FN-ip meeqqat pillugit isumaqatigiissutaa atsiorneqarpoq. Tamanna ilaatigut Katuami nalliuttorsiutigineqassaq, tassani Naalakkersuisut Siulittaasuata Kim Kielsenip Kalaallit Nunaata isumaqatigiissummik malinninnissamut pisussaaffii uppernarsaqqissavai.

Meeqqalli amerlavallaat nalliuttorsiutissaqanngillat, Meeqqat illersuisuat Aviâja Egede Lynge erseqqissaavoq. Kommunit, nakkutilliisunit nalunaarusiat politiillu kisitsisaataasa tamanut saqqummiunneqarsimasut ersqqilluinnartumik takutippat, Kalaallit Nunaata meeqqat pillugit isumaqatigiissummik atsiugaqarneranit ukiut 26-t qaangiutereersut, Kalaallit Nunaat meeqqat pisinnaatitaaffiinik pisariaqarluinnartumik suli qulakkeerinnissimanngitsoq.

Amerlavallaat eqqugaasartut

Kisitsisit pisortatigoortumik saqqummiunneqarsimasut nuanniitsortaqarput, meeqqat illersuisuata iloqarfinni nunaqarfinnilu 40-ni angalasarnersimini tamanna misigisarsimavaa.

- Ammasumik tatiginnittumillu naapinneqartarsimavugut inuppassuillu misigisimasaminnik oqaluttuartut oqaloqatigisarsimavavut. Meeqqalli saaffiginnissutaat arlallit isertuussaqarnermik kingunerlutsitsinissamillu annilaanngateqarnermit sunnerneqarsimasarput. Meeqqat naapittakkavut inuupput tatiginninnerpaat, Aviâja Egede Lynge tusagassiorfinnut nalunaaruteqarnermini oqarpoq.

Maannatut ukiut qassit suli ingerlatsissaagut ikiorsiissutissat taakku meeqqanut anngunneqarsiillugit?

- Sumiiffinni tamani atugarliortoqarpoq. Meeqqat assigiinngitsutigut sumiginnagaasarput. Meeqqat innarlerneqarsimasut, timikkut tarnikkullu persuttarneqarsimasut aamma meeqqat tunngaviusumik pisariaqartitaminnik pisinnaatitaaffimminnillu ikiorsiiffigineqarsimanngitsut. Meerarpassuit arlaannik kingunerlutsitsinissamik annilaanngateqarlutik saqqummiusserusunneq ajorput. Imminnut kingunerluutissat piinnarnagit aammali angajoqqaajusunut kingunerluutissat pillugit.

- Meeqqat angajoqqaaminnik illersuisarput. Maannatut ukiut qassit suli ingerlatsissaagut ikiorsiissutissat taakku meeqqanut anngunneqarsiillugit?

- Ukiuni sisamani ilisimasimavara, FN-ip meeqqat pillugit isumaqatigiissutaani immikkoortunik arlalipassuarnik Kalaallit Nunaata malinnginnera. Pissutsit erseqqissut allaaserisarsimavakka, aamma meeqqat allatut ikiorserneqarnissamik pisariaqartitsisut allaaserisarsimavakka. Meeqqat pisariaqartippaat, uagut inersimasut imaaliinnaq takuneqarsinnaanngitsunik paasinnillutalu ikiuinissarput, meeqqat illersuisuanit Aviâja Egede Lyngemit oqariartuut taamatut nipeqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER