Skip to main content

MIO: Meeqqat akornanni persuttaasoqartarnera qaqutigoortuunngilaq

Meeqqat illersuisuata meeqqat meeraqatiminnut nakuusertarnerat "ernumanarluinnartutut” isigaa.

Nuummi nukappiaqqap 14-inik ukiullip inuussutunit arlalinnit uppisinneqarluni kiinnamigut timimigullu isimmittarneqarsimanerata malitsigisaanik, meeqqat illersuisuat Aviâja Egede Lynge tamatumunnga assigusunik saaffiginnissutinik tigusiaqartarsimavoq.

- Piffissami matumani suliamut tamatumunnga assigusunik saaffiginnissutinik tigusisarpunga. Saaffiginnissutit, aamma meeqqanut minnernut nakuuserfigineqartunut kiisalu meeqqanut meeraqatiminnut nakuusertartunut tunngasut, Meeqqat Illersuisuat Aviâja Egede Lynge tusagassiorfinnut nalunaaruteqarnermini oqarpoq.

Nakuuserneq nakuusernermik pilersitsisartoq

Taassuma erseqqissaatigaa nakuuserneq nakuusernermik pilersitsisartoq aamma meeqqat inuunerminni nakuusernertarnerup attatiinnarnissaanut aarlerinartorsiortartut. Kalaallit Nunaanni inersimasut affaasa sinneri nakuusernermik misigisaqarnikuupput, meeqqat illersuisuat ilisimatitsivoq.

- Nakuuserneq pissaaneqarnermut aqutsinermullu tunngavoq, tamannali aamma meeqqatsinnut atuuppa, Aviâja Egede Lynge aperivoq, nangillunilu:

- Meeqqat inuunerminni nakuusernermik qanimut misigisaqartut, timikkut tarnikkullu – aammali pissusilersuutitigut sunniuteqartunik ajoqusersinnaapput. Meeqqat
avatangiisiminnut tatiginnikkunnaartarput, immaqa imminnut aqussinnaajunnaartarput kiisalu eqqarsaatigeqqaangarinngisaminnik kamallutik iliuuseqartarlutik. Ajornerpaagaangat meeqqat meeraqatiminnut nakuusertarput. Pissutsit meeqqat takkuffii qanoq iliuuseqarfigissavagut? Qanoq qulakkiissavarput, meeqqat ikiorneqarnissaq pisariaqartitartik – pisinnaatitaaffitsillu pissagaat?

Suliniutigineqarsimasut malitseqartinneqassasut

Meeqqat illersuisuata oqaatigaa, meeqqat inuusuttullu tamarmik toqqissisimasumik toqqammaveqarnissaq pisariaqartikkaat, angerlarsimaffimmi isumannaatsumiillutik misigiffigisinnaasarnissaat, asanninnerup annertunerpaaffissaaniillutik, meeqqallu inersimasut avatangiiserisatik tatigisuaannarsinnaallugit.

Aviâja Egede Lynge isumaqarpoq, Kalaallit Nunaanni nakuusernertarnermik pinaveersaartitsisussanik kiisalu nakuusertarnerup annikillisarnissaa anguniarlugu ukiut arlallit ingerlaneranni suliniutigineqartarsimasut sunniutaannik malittareqqiinissaq pisariaqartinneqartoq.

-Meeqqatta pissusilersuutsimikkut takutippaatigut, maannakkut malittareqqiissasugut, Meeqqat illersuisuat erseqqissaavoq.

Aamma atuaruk: Nukappiaqqamik persuttaaneq filmiliorneqartoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER