MIO Qeqqata Kommunianut tikeraassaaq

Meeqqat Illersuisuat MIO-milu sulisut apriilip 23-aniit maajip 6-ngata tungaanut Qeqqata kommuneani angalassaaq.

MIO-p pingaanersatut tunngagivaa meeqqat inuusuttullu peqataatinnissaat assigiimmillu periarfissaqarlutillu atugaqarnissaat.

- Taamaammat MIO-p suliamini salliutippaa meeqqat inuusuttullu nunatsinni atugarisaat pillugit ornillugit oqaloqatiginissai paasiniaaffiginissaallu, meeqqat illersuisuat Aviâja Egede Lynge, tusagassiuutinut nalunaarummini allappoq.

Inuuttaasunik oqallititsineq

MIO-p inatsisitigut suliaasa pingaarnersaasa ilagaat meeqqat inuusuttullu inuaqatigiinni atugaat nakkutigissallugit taakkulu atugaat inuiaqatigiinni oqallissaarutigissallugit. Taamaammat MIO pisussaaffini naapertorlugu Qeqqata Kommuniani paasissutissanik meeqqat atugaanut tunngatillugu katersissaaq. Tamatuma saniatigut MIO-p ilaqutariinnut, inersimasunut meeqqanullu ilitsersuineq siunnersuinerlu angalanermini ingerlatissavaa, tusagassiuutinut nalunaarummi taama allassimasoqarpoq.

Angalanermut siunertat ilagaattaaq meeqqat, inuusuttut angajoqqaavisalu meeqqat pisinnaatitaaffiinnut tunngatillugu ilisimasaqalernerunissaat, meeqqanik inersimasunillu siunnersuinissaq, meeqqallu pisinnaatitaaffii pillugit ilitsersuineq siunnersuinerlu.

MIO-p illoqarfiit nunaqarfiillu tikinnigaat tassaapput:

• 24. april Atammik
• 25. April Napasoq
• 26-27. April Maniitsoq
• 28. April Kangaamiut
• 29. April-3. maj Sisimiut
• 4. Maj Sarfannguit
• 5. Maj Itilleq