Skip to main content

MIO politikkerinut: Meeqqat politikkikkut ambassadøreqalernissaat tapersersorsiuk

Politikkikkut oqallinnermi meeqqat ambassadøreqartaleriaqartut Meeqqat Pisinnaatitaaffiinik Sullissivik siunnersuuteqarpoq

Inatsisartuni inatsisinik akuersisoqaraangat suliniutinillu atulersitsisoqaraangat meeqqanut inuusuttunullu nunatsinni kinguneqarajuttarpoq.

Meeqqat Illersuisuat Aviâja Egede Lynge isumaqarpoq.

Taamaattumik Meeqqanut Ambassadøritut politikkikkut oqalliffiusartuni sulisussamik partiit tamarmik inummik ataatsimik toqqaaqquai.

Ersarissumik takutitsinissaq
- Partiit tamarmik Meeqqanut Ambassadøreqalernissaannik siunnersuut tapersersorneqarnissaa naatsorsuutigaara. Inuiaqatigiinnut, minnerunngitsumillu meeqqanut inuusuttunullu, ersarissumik takutitsissooq meeqqat inuusuttullu isumalluutaasut pingaarnerpaat, Aviâja Egede Lynge tusagassiuutinut nalunaarummi allappoq. 

Politikkikkut aalajangiinermi meeqqat inuusuttullu tusarniaaffigineqartarnerat tamatigoortuunngitsoq MIO isumaqarpoq, tamanna pivoq naak aalajangiinerit meeqqat inuusuttullu inunnerannut sunniuteqarsinnaasut. 

Isumaqatigiissuteqarnissaq
- Taamaakkaluartorli meeqqat nunatsinni pingaarnersatut isigaagut. Taakkumi, Inatsisartut Naalakkersuisut uagullu, aalajangiussatsinnik ingerlatitseqqittussaammata. Taamaattumik FN-ip meeqqat pillugit isumaqatigiissusiaani, meeqqat piginnaatitaaffisa tungaatigut allaqqasut, partiiniit eqqumaffigineqarnissaat isumannaarnissaallu pingaaruteqarpoq, MIO allappoq. 

Partiit tamarmik oktobarip 15-ianut 2015 Ambassadørissamik toqqaanissaminnut killilerneqarput. Novembarimi Meeqqanut Illersorti Meeqqanullu Ambassadørit naapissapput. Naapinnermi Meeqqanut Illersortip politikerit meeqqat pisinnaatitaaffii pillugit ilisimatissavai, kingorna isumaqatigiissummik Meeqqanut Ambassadøritut suliassartik pillugu atsioqatigiissapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER