Skip to main content

MIO-p meeqqanik perorsaanermi naleqartitat pitsaasut sammivai

Kaammattuummut atatillugu MIO-p nipilersuut videoliaq plakaaterlu, kaammaatuummut attuumassuteqartut saqqummiutissavai. MIOmiit atuagaq aamma suliarineqaleruttorpoq taannalu inersimasut meeqqanik perorsaanerminni atorsinnaassavaat.

Naalagaaffiit Peqatigiit Meeqqanut Ullorititaannut atatillugu meeqqat pisinnaatitaaffiinik suliniaqatigiiffik MIO, ataasinngornermi, kaammattuummik nutaamik pilersitsivoq.

MIO-p nunatsinni innuttaasut naleqartitaat pitsaasut meeqqanillu perorsaanermi isummersuutit pitsaasut, tassani sammissavai.

- Meeqqat Illersuisuata Aviâja Egede Lyngep HS-analyse suliaqartissimavaa, misissuinermilu paasisat aallaavigalugit kaammattuineq ingerlanneqartussaavoq, meerartatsinnik perorsaanitsinni nukittoqqutaasinnaasut naleqartitat suuneri tassani paasiniarneqarsimapput, meeqqat pisinnaatitaaffiinik suliniaqatigiiffik tusagassiuutinut nalunaarummi allappoq.

Naleqartitat pingaarnerpaat

Innuttaasut isumaat malillugit meeqqat perorsarneqarneranni naleqartitat pingaarnerpaat tassaapput Asaneqarneq,
Ataqqeqatigiinneq, Qanilaarneq, Ataqatigiinneq aammalu Ammasuuneq.

- Misissuinerup inernera nuannaarnaqaaq, nunami suminngaaneersuuneq, kulturi, inuiaqatigiinnilu inissisimanerit
assigiinngikkaluarpataluunniit pitsaasunik nukittuunillu tamatta naleqartitaqatigiittugut misissuinerup takutimmagu, Aviâja Egede Lynge tusagassiiuutinut nalunaarummi oqarpoq.

Tamaattumik kaammattuinerup oqariartuutigaa una: Qanorluunniit tunuliaqutaqaraluarutta atugaqaraluaruttaluunniit meeqqanik perorsaanitsinni naleqartitagut ataatsimoorussaraagut.

Nipilersuut videoliaq akissartitsinerlu

Nipilersuutip videoliap aammalu paasititsiniaanermut atatillugu plakatiliap nivinngartugassap takuteqqaarnerisigut paasititsiniaanerup aallartisarneqarnera MIOmiit malunnartinneqassaaq. MIOmiit aamma suliarineqaleruttorpoq atuagaq taannalu inersimasut meeqqanik perorsaanerminni atorsinnaasavaat.

Naalagaaffiit Peqatigiit Meeqqanut ullorititaat Nuummi kulturikkut illorsuarmi Katuami ataasinngorpat malunnartinneqassaaq

Naleqartitat pillugit saqqummiussinerup saniatigut MIO ukiumoortumik akissarsititsissaaq, tassani inuk peqatigiiffilluunniit immikkut ittumik meeqqanut suliniuteqarsimasoq akissarsitinneqassagami.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER